布甸狗終於由日本跑到嚟香港喇！POMPOMPURIN Cafe在12月21日正式開幕喇。今次食店港式茶樓做主題，更特別為布甸狗設計咗新造型添！淨係門口裝潢已經好靚，入到去肯定會影相影到停唔到手！
:按圖放大:
店入面嘅布置充滿香港特色！
3大必食主菜
記者已經急不及待搶先試食咗，發現食物除咗得意之外，味道亦好有質素，食完仲有得意布甸狗杯墊送添！今次我哋就為大家精選咗9款必試食品，真係每款都得意到唔捨得食落肚呀！先同你試吓3款造型cute到爆燈嘅主菜先！
1) 布甸狗椰汁雞肉咖喱飯 $99
呢隻咁得意嘅布甸狗，係由日本珍珠米加入黃薑粉製作而成，咖喱汁好有質素，好香椰汁味，而且偏甜，食到停唔到口！不過由於要將飯壓成布甸狗造型，所以飯嘅質感比較實，女孩子們相信食一隻耳仔都已經開始飽，建議大家都係share嚟食。
2) 煙肉蘑菇卡邦尼意大利粉 $149
卡邦尼意粉味道差不多，值得一讚係佢有沙律菜伴碟，令到食起上嚟唔會太膩。而且碟上面呢隻咁得意嘅布甸狗杯，食完仲有得拎走添！不過每日限量送出，所以想拎走布甸狗杯就要早啲嚟排隊喇。$149就有得食又有得拎，推介！
3) 歡樂野菜拼盆 $139
野菜拼盆同出面嘅All Day Breakfast類似，上面嘅Egg Benidict 煮得啱啱好，蛋黃流心，讚！唔講唔知，原來呢個野菜拼盆擺咗好多心思入去，除咗布甸狗之外，仲用咗佢嘅朋友仔Muffin、Scone同埋Bagel嚟做食材添！
下一頁：未夠飽？仲有4大必食甜品！
4) Bagel特製！班㦸塔 $149
由5層班㦸組成嘅班㦸塔，中間夾住焦糖、朱古力、吉士醬等，味道好有層次，而且份量十足，食4分1個已經好飽！朱古力醬食落唔會太甜，就算夾埋焦糖一齊食都唔會太過份，不過吉士醬食落個感覺就有啲似普通cream，冇乜吉士味。另外，除咗前面介紹過嘅意粉之外，呢個班㦸塔亦都會送布甸狗杯。
5) 必推！布甸狗芒果芭菲 $119
芒果芭菲真係好好食！特別推介最面層嘅布甸，硬身得嚟又唔會太甜，配合埋芒果雪糕同底層嘅海棉蛋糕，食完個感覺真係好滿足！而且除咗芒果之外，仲有橙、士多啤梨等等水果，中和返甜品嘅甜味，推推推！
6) 布甸狗吉士布甸 $49
得意嘅吉士布甸本身已經好好味好夠甜，個人認為唔加焦糖醬比較好食，加咗反而蓋過布甸味，變咗食緊焦糖醬咁。不過最可惜嘅，就係呢個布甸杯係冇得外賣拎走㗎，如果想要返個杯，都係要由日本搬返嚟。
7) 布甸狗香蕉焦糖班㦸 $119
咖啡面放咗布甸狗同埋Macaron 造型嘅棉花糖，夠晒sweet～ 店員話趁棉花糖融化嘅時候飲就最好飲，不過咖啡嘅溫度似乎唔夠融化棉花糖，所以選擇咗就咁飲。雖然話係牛奶咖啡，不過味道就偏酸，似齋咖。
小提醒：每order一杯飲品，都會送一個布甸狗杯墊，飲完記得帶走呀！
【Pompompurin Cafe】
【地址】銅鑼灣軒尼詩道525號澳門逸園中心B1F（顯示地圖）
【營業時間】星期一至日：11:00am-10:00pm
【備註】不設訂位，用餐時間限時90分鐘
