港人睇Show公審情侶戴頭飾「遮住晒」 圍爐不果被轟：你先無公德心
迪士尼樂園一向給人的感覺都是歡樂、童話、浪漫，除了機動遊戲外，表演亦是不可缺少的環節。最近有港人稱，在迪士尼樂園睇Show期間遇到一個不愉快經歷，指坐在自己前方的一對情侶行為極度影響別人，原因是二人頭上戴著的Duffy頭飾會遮擋了後座的視線。事主為此而「拍拍膊頭」提醒二人除下頭飾，誰知情侶任何反應也沒有，當她透明，令事主認為相當過份。
港人網上公審情侶，雖有一兩個網民留言力撐，但最後仍是「得不到掌聲，得到噓聲」，網民紛紛把「槍頭」對正事主，有人指從相中已看得出前座仍有很大的空位，若被前排觀眾遮擋應自行調位，而非網上公審。加上座位先到先得，事主若想「無遮無掩」其實只需一早排隊便有好位置，暗諷事主「妒忌對方有個伴」、「自己去得遲就怪早去嘅人，咩道理」。其後事主反擊指「你講嘢咁好笑？下次係咪要tag埋同行人士畀你知？」
另外亦有網民指「你自己遲去無位揀就無啦啦公審其他人，一個頭飾可以有幾高？最多咪1吋，如果咁都話頭飾大到遮到你，咁會唔會係你自己矮，怪你自己唔夠高」、「投胎生高啲」，然而事主繼續反擊指「咁我想見吓你有幾高喎，應該無1米8啦」。對於事主回應，眾網民更是「被激活」，直指事主搏同情不果便發難。
港人被指無公德心 終關閉回應功能
網民再從另一個角度分析指，若果你坐在第一排專心看Show時，突然後面有人騷擾你要求你「除呢樣除嗰樣」，會否反而是坐後排的人沒有公德心？「因為自己嘅問題就要逼其他人遷就你，對方唔肯你就又鬧又埋怨，其實一睇就知你可以自己坐直啲坐過啲就解決到」、「再前排啲都有人戴，你唔行過去叫佢除埋？」、「如果你前面坐嘅係一對6尺高外國人，你會點叫佢坐低啲」、「啲人自私起上嚟就咩都公審」。
最後在網民炮轟後，事主直接關閉帖文的回應功能。
