迪士尼港鐵站位於邊一區？ 一條地理常識題考起過千網民：估佢唔到

考起香港人的地理常識題　原來迪士尼樂園橫跨2大區

繼早前有人創造了地理挑戰題後，坊間已出現不同版本的題目考考大家，而今次有人只以一題掀起「千人問號」，而這道題目正是問：「迪士尼港鐵站究竟屬於邊區？」
A. 葵青區
B.屯門區
C.離島區
D.荃灣區

網民看到題目後，最多人選擇「離島區」，其次為「葵青區」，不過原來最後答案是「D.荃灣區」。網站解釋，根據18區劃分，荃灣區及離島區的分界線由小蠔一帶起，向東拉一直線。迪士尼樂園正正橫跨兩區，而問題中所提及到的迪士尼港鐵站、園內美國小鎮大街以北的範圍均屬荃灣區，酒店以南的範圍則屬離島區。因此選擇「離島區」的網民只差一點點而已。

揭曉正確答案後，有網民表示「到時投訴食環就煩」、「有咩可能，荃灣同迪士尼爭咁遠，論近嘅地區唔係應該青衣咩？」、「真係估佢唔到」、「有無搞錯，有咩可能咁多年我都唔知」。