觀塘延綫 可望今年 10 月通車，大家以後飲飲食食同玩都會方便好多，唔使再搵要轉咩車先到，甚至係人人將會更認識延綫的地方，因為總有啲人會唔識港鐵以外的地方。為了大家更清楚港鐵新服務，4 大Q&A 幫到你！
圖片來源：港鐵網站
01 | 觀塘延綫有邊個站 ？
觀塘延綫 新增 何文田 同 黃埔 ，呢兩個站喺油麻地站後面，如果成功通車後，唔好再喺油麻地站坐回頭車，因為會直接去 何文田 同 黃埔 㗎！
02 | 車費、車程時間？
延綫全程 2.6 公里均為隧道路段，由 黃埔 至 油麻地 車程就大約要 5 分鐘。根據政府早前估計，車費介乎 4.4 至 5.2 元之間。不過工程用咗 72 億，唔知會唔會又加價喇！
03 | 幾時會通車？
港鐵話 觀塘延綫 可於今年 10 月通車，實際日期尚待公布。8 月已經有不載客列車在行車時間試行。
04 | 最大的轉乘站係咩站？
何文田 站除咗係 觀塘延綫 車站外，亦係沙中綫其中一站，是兩條綫的轉乘站。所以 何文田 站面積達 5.6 萬平方米，是目前最大轉乘站。不過沙中綫最快要到 2019 年先會通車。
