觀塘延綫 新設的 何文田 站和 黃埔 站，以 黃埔 作為觀塘綫新的終點站，車站快將啟用，兩個新車站有咩特色？即刻睇睇介紹！

01 | 何文田站有幾多層？

何文田站高低差超過 70 米，有8層高，最頂三層係出入口。月台當然設在車站底層，最底一層是觀塘綫月台，二層是轉車大堂，三層是沙中綫月台。月台與大堂之間，有 2 座升降機，除此之外，就要使用扶手電梯。大家喺何文田站趕時間上地面，真係要行快幾步！

02 | 黃埔站同銅鑼灣站一樣 唔可以出錯閘口！

觀塘延綫 新終站 黃埔 車站，大堂設有東、西兩翼，客務中心設在東大堂，兩者互不相連，真係唔好出錯閘！如果行錯方向，就同銅鑼灣站一樣，要經地面才能走到另一面的出口。黃埔西大堂 A 出入口為民兆街，B 出入口位於紅磡道。東大堂 C 出口在地標「黃埔號」旁邊，D 出口是德安街。

03 | 黃埔站有機會唔係終點站？

黃埔月台屬單側式月台，所以要等月台上列車駛走，先可以畀另一輛駛入，所以班次唔可以咁密，約每 4 分鐘一班，但繁忙時間觀塘綫列車班次約為 2 分鐘一班。咁點算？ 原來只有非繁忙時間，全部列車先會以黃埔為終點站。繁忙時間期間(平日早上 7 時至 9 時 20 分，下午 4 時 30 分至 7 時)。

04 | 通車後對黃埔地區交通有影響？

運輸署曾建議通車後取消 九巴 212 號綫，同時 101、106 等過海巴士綫的班次都會減少，不過建議仲未落實。而港鐵已公布票價，使用八達通或單程票 (成人票價) 由紅磡前往黃埔或何文田均為 $4.5。