撰文：Keith＠WW ｜ 圖片：Woody
率先睇香港古蹟導賞團！走入藍屋 香港建造學院話你知古蹟舊時點樣起！
如果說香港最多人識的古蹟，灣仔的藍屋一定榜上有名。藍屋歷史今次我們不多說，因為佢出名到人人都知是一級歷史建築，地下更有一所由黃飛鴻徒弟林世榮的姪兒林祖開辦的武館。所以今次我們直指藍屋內部，由香港建造學院的建造業代表帶導賞團，走入藍屋核心，仔細參觀當時的唐樓是如何建成呢！
如果要說藍屋的建築特色，一定是關木工事。因為藍屋這種唐樓，於建築時用了很多木工裝潢，例如每次經過都會見到的筆直樓梯，原來多達25級，但卻不足1米闊。由於藍屋這種舊唐樓樓底很高，達3至4米，所以要用成25級樓梯才可上到另一層，而這個級數更是能最舒適地走上，真的是前人智慧呢！而藍屋每層的地下更是特別，先由木橫樑架在4面石牆上，再在木地板上鋪階磚。這種木地板上鋪階磚，真的少見，而且不跟團，一定冇可能得知及見到呢！如果想知道更多古蹟的有趣小知識，即刻報名參加導賞團啦！
香港建造學院 藍屋建築導賞團 連Supergirl Aka都撐 親手畫出藍屋
導賞團22/4會有第一站藍屋，即是記者剛剛率先參加過的，而5-8月都會有美荷樓等古蹟。記者除了到過導賞團的先行預覽外，還參加了活動的開幕禮，最令人驚喜的是連Supergirl的Aka都參加力撐。說起灣仔藍屋，原來Aka都好有回憶，因為她曾在附近學結他，經常都經過這裡。所以今次主辦單位也邀請了畫開插畫的Aka為活動揮筆作畫。Aka說：「好緊張呀！因為我畫開抽象嘢，要畫古蹟好有壓力，最後更通了兩晚頂呢！」記者親身睇過畫作，十分小清新，因為Aka為藍屋加上花草、手和口，象徵古蹟活化和生命力呢！
蹟蹟復跡跡 古蹟導賞團
日期：4-8月
藍屋建築群導賞團
4月22日（日）（3:00pm-5:00pm）
深水埗美荷樓導賞團
5月27日（日）（3:00pm-5:00pm）
舊大埔警署導賞團
6月16日（六）（2:00pm-4:00pm）
報名：https://docs.google.com/forms/d/e/1FAIpQLSfPvc3hZmtsBYfwwBnHz4Q5mGKp6nz1nyd8iFeYxmhVIOP5fA/viewform
查詢：https://www.facebook.com/CICHK/ [email protected] 2100 9435 www.cic.hk
