Crostini全線分店突結業 苦主湧入專頁怒斥：婚禮餅咭買晒先講！
香港最少有10間分店的西式咖啡店Crostini昨日仍正常營業，惟到晚上（13日）突然在社交平台專頁上宣布全線結業，指疫情下經營環境十分惡劣，公司未能力挽狂瀾，無奈地作出一個非常沉重及失望的決定。crostini門市將會營業至9月13號，之後將會全線結束營業。
Crostini苦主怒斥店家用新出蛋糕做煙幕
連鎖店結業，首當其衝的除了是員工外，買了餅咭的苦主亦多不勝數。有網民留言指部份分店早幾日打電話已無人接聽，有一兩間分店昨日仍如常營業，今已落閘。有人買了咖啡券無法兌換，不過最大的苦主還是7月在婚紗展買了大量餅咭的準新人們。最多人留言指「早幾個月喺婚展買咗好多餅卡可以點賠？係咪要出律師信告佢哋？」、「佢有心呃人真係好賤，放工落閘結業，仲要臨結業都擺婚展」、「點解可以個幾鐘前先講，咁你叫買咗coupon嘅人點算，想水人一筆都唔好做得咁肉酸啊！」
有網民指，當時婚展一套餅咭賣超過$2000，有人因當時店方指買201張或以上的餅咭可享65折，因而大手買入201張餅咭，花費約$6,000；亦有人透露指4日前打電話到店方想用Coupon訂蛋糕，但當時已無人接聽。
Crostini於9月1日仍出新優惠
而苦主更在WhatsApp建立苦主群，當中已超過500個成員，有人嘗試加入群組時已顯示人數太多，無法加入，相信有更多人「畀錢買廢紙」，而店方亦暫未有回應任何賠償或退錢事宜。不過翻查記錄，除了餅咭，店方9月1日亦有宣傳海報宣傳9月份限定優惠，有效期至9月30日。
6天前更在專頁中推銷新出蛋糕，完全沒有結業或表示經營困難的跡象。而截至目前為止，專頁的留言功能亦已設定為「限制哪些人可回應這則帖子」
吳若希留言遭狙擊：你講少句啦！
然而在Crostini的Instagram上亦同時間宣布結業，引來的並非苦主洗版，而是Jinny吳若希的留言令一眾網民不滿。皆因她在帖文下留言指「期待你哋快D返嚟」，有網民看到後即回應指「你收聲啦！間嘢喺婚展呃咗幾多苦主，你知唔知！」亦有網民在討論區指「吳若希真係講咩都錯，佢睇清楚先講嘢好無？」、「講少句啦真係」、「以後婚展賣嘅餅咭都唔買得啦，次次都出事」；不過確實有少部分網民為此感到可惜。
