（原文刊登於 《sizz》）
不知道你跟朋友們搞的 Christmas party，有沒有交換禮物的環節呢？小編就曾經玩過「一份天堂，一份地獄」的交換聖誕禮物環節，在有限的 budget內，買1份大家都想要的「天使禮物」，和1份惡搞的「地獄禮物」，互相交換。朋友們想出來的「地獄禮物」真的好過癮，我們看得高興，收禮物那個其實無奈萬分。畢竟只是個遊戲環節，不要過分認真，認真的朋友就不要玩了，這倒是小編每年最期待的環節！跟大家分享一下小編見過最離譜的「地獄禮物」吧！
節日篇
01｜聖誕帽
明明已經戴緊頂聖誕帽，都仲要畀帽你戴，用完當日就冇用嘅禮物！
02｜日本城聖誕樹
印象中價值只係$20，超級細棵好雞，得個擺字冇咩用。
03｜運程書
蘇民峰、麥玲玲、楊天命個個都喺聖誕節走出嚟，同各位家庭觀眾拜個早年。
04｜年曆
唔好被我見到你攞住個印咗「民建聯」嘅福字年曆，仲要係前年嘅。
05｜《通勝》
紅色，都啱聖誕節用嘅。
06｜空利是封
你畀疊空嘅利是封我做咩啫？
無厘頭類
07｜磚頭
做咩啫你？喺Poly偷返嚟㗎？
08｜六合彩
收到個希望，係開心嘅！
09｜1袋紅毛泥
收到份咁嘅禮物都唔知講咩好。
10｜懷舊《yes！》 card
係Cookies同冇整容嘅XX啊！其實我想要Twins嘅卡多啲！
11｜機構紀念品、T-shirt
吖！所有政府機構、民間組織、學校機構、學生組織嘅紀念品，即刻出晒嚟，見到都喊3聲，你同送禮勤有咩分別啫？
12｜出奇蛋……裡面的玩具
送出奇蛋都好吖，不過依家啲出奇蛋都唔好食。
食物類
13｜鹹魚
係好食嘅。
14｜奶粉
好寶貴嘅奶粉！呢份禮物要搶啊！！！！
15｜菠蘿/榴槤
多謝你送個麻煩畀我，咁大個菠蘿攞返屋企真係好難搞，仲要係極臭嘅榴槤。
16｜1箱媽咪麵/營多
人哋收到可能覺得無聊，但小編好想要！！！送埋出前一丁，同芝士麵就perfect池喇！最愛！
17｜狗罐頭
抽到都幾無奈，如果屋企仲要係冇養狗，而係養貓。
19｜黑鬼油
依家係冬天，要嚟做咩？
20｜成人紙尿片
咁多謝啊！
21｜中獎的驗孕棒
哇媽的！點樣得返嚟㗎？爸爸係……？
23｜M巾
都算實用，但如果男仔抽到呢？會唔會行衰運㗎？
書刊/影視類
24｜中學教科書
你依家即係當我係垃圾堆填區啫？
25｜《龍虎豹》+ condom
正喎喂！同場仲加送condom？！要嚟做咩？
26｜粵語長片
應該係想你瞓得好啲，好貼心。
27｜5份當日嘅報紙
收到都喊 3聲，以為用份報紙包禮物，原來真係禮物嚟。
28｜TV Buddy
呀！無記嚟嘅喂！
29｜《百分百感覺》VCD
童年回憶喎……
實用類
30｜鎖……但沒有鑰匙
可以點？你想點？
31｜廁所泵
呢份小編都送過！
32｜紙巾盒
男仔抽到一定好開心啫，係咪啊哈姆太郎？
33｜錢
諗咁多做咩啫！呢份就真係最有誠意喇！
有什麼聖誕好去處推薦？
聖誕當然不可不去 商場聖誕擺設 及 9大巨型聖誕樹 及 聖誕燈飾 打卡，包括 西九文化區 和 K11 MUSEA 聖誕樹，適合情侶及與朋友、家人、小朋友一同感受濃厚浪漫聖誕氣氛！聖誕市集方面，可看 聖誕市集2022，其中不得不去 D2 Place 和 赤柱美利樓。
有什麼聖誕禮物推薦？
建議可選擇實用類型的禮物，GOtrip整合一系列聖誕禮物提案，包括HK$500、HK$300、HK$200、HK$100內，即睇：聖誕禮物推薦。另外，與朋友派對時絕不可以缺少 聖誕蛋糕 增添節日儀式感。
