又到聖誕送禮時候，好快又新年，跟住又到農曆新年，然後到你生日、佢生日、乜乜紀念日、乜乜週年等等，總之每年都有好幾次送禮物嘅機會。收禮物嗰個會好開心，但其實送禮物畀人都好開心，見到對方真心鍾意你份禮物，更加會令你有種飄飄然嘅感覺。講起送禮物，有人鍾意送得意嘢；有人鍾意送實際嘢；有人鍾意送自己鍾意嘅嘢，以下 9 種禮物Giver ，你屬於邊種？

（原文刊登於 Sizz）

01｜實際型

呢類 Giver 最怕就係自己份禮物會阻到人，所以實實際際，揀一定用得著的禮物就最好。藥物、家庭用品、文房四寶一定走唔甩！

02｜自我中心型

我鍾意你，你又鍾意我，所以我鍾意嘅嘢你都一定會鍾意！呢類人最喜歡割愛，偏偏其他朋友未必同樣鍾情，甚至毫無認識！

03｜提醒型

見你係地獄廚神，就會特登買本手殘女食譜畀你；見你減肥永遠都唔成功，就送運動用品畀你，務求提醒你一啲你已經唔記得/唔想記得嘅嘢。

04｜無聊型

最鍾意送啲超級唔實用，得啖笑嘅禮物，呢類 Giver 最鐘意製造笑料，要你馬上拆開等所有人一齊爆笑，希望用禮物炒熱氣氛。雖然朋友收到一刻會可能會笑得好燦爛，但之後佢就會開始煩惱點處置份禮物。

05｜估你唔到型

Surprise！這類人最鐘意帶驚喜畀朋友，很多都會送有機關的禮物，如公仔彈出的禮物盒，而且有可能扮無禮物，直到講再見前先拿出禮物，令你心情好似過山車咁大起大落。

06｜二手型

都係環保型嘅，自己唔啱用，可能人哋啱用呢。呢種朋友每到送禮或是交換禮物時間，就會將家中陳年雜物通通翻出來，希望新物主可能得物有所用！

07｜我有你都要有型

我哋係好朋友嚟㗎嘛，有好嘢冇理由唔同你分享啫？這類型的朋友最愛就係撞衫，可以被街外人知道他們是同一團隊，「You ‘ll never walk alone」係佢地的宗旨。

08｜DIY型

連幼稚園美勞都可以拎C 嘅編輯，特別羨慕有一雙巧手嘅朋友，就算只係簡簡單單整一張心意卡，都已經甚具收藏價值，更何況係啱你用嘅嘢？

09｜完美型

花紙、絲帶、心意卡同埋份禮物係有襯過㗎！一定要 一Set 咁送，缺一不可！

送禮物都係講心意，只要你有心，收嗰個一定會開心。佢係咩類型又咩所謂吖，最緊要都係大家識珍惜會送禮物畀對方嘅嗰位啫！

延伸閱讀：占星師解說星座運程2018（下） 人馬座容易一見鍾情 水瓶座事業向上發展！


延伸閱讀：占星師解說2018星座運程 （上）巨蟹座桃花旺 白羊座有事業挑戰！

有什麼聖誕好去處推薦？

聖誕當然不可不去 商場聖誕擺設 及 9大巨型聖誕樹 及 聖誕燈飾 打卡，包括 西九文化區 和 K11 MUSEA 聖誕樹，適合情侶及與朋友、家人、小朋友一同感受濃厚浪漫聖誕氣氛！聖誕市集方面，可看 聖誕市集2022，其中不得不去 D2 Place 和 赤柱美利樓。

有什麼聖誕禮物推薦？

建議可選擇實用類型的禮物，GOtrip整合一系列聖誕禮物提案，包括HK$500、HK$300、HK$200、HK$100內，即睇：聖誕禮物推薦。另外，與朋友派對時絕不可以缺少 聖誕蛋糕 增添節日儀式感。