素食展表演即場劏魚 賣鳳爪、海蜇惹民憤
亞洲素食展2022於6月10日至12日在香港會議展覽中心舉行，吸引了不少素食者到場。但就有素食網民在參加展覽後，在素食Facebook群組「素食青年」嬲爆連發2個帖文，分享他參加素食展內的激心事。第一個帖文是鬧爆場中泰國食品公司，竟然在素食展內出售泰式鳳爪，事主向攤位職員時，對方表示「帶錯咗過嚟展銷」，令大呼「大佬我食十幾廿年素，行素食你sell我鳳爪？好唔好意思？感覺真係好L差，好L討厭……」
另一個帖文則是以「紀錄一下素食展內有幾多肉食呀！」為題，他在參加展覽時發現，場內不止有出售泰式鳳爪與即食海蜇，展內竟然表演即時劏魚！從事主上載的相片可見，表演人員在寫著「素食展」的Backdrop前，劏著大大條的大目吞拿魚！
事件引來大批素食網民熱議，不少人皆表示在素食展內見到有肉食出售，紛紛擔心其他素食者會誤以為是素食：「今日行過我都見到佢賣鳳爪，我都當堂嚇咗一跳。如果大家唔為意會唔會以為係素鳳爪買左嚟食。」
同時亦有目睹即時劏魚的網民表示：「我第一日去嘅時候係到劏緊魚添。忘不了果條魚嘅展位。隔離成班人寫緊心經」有網民笑言：「即時超度」。除了肉食外，素食展內更有不少生活用品可以選購，令網民「搲曬頭」：「我也不明白為何會係素食展賣衫賣襪。」
網民解畫：隔離仲有樂活展
不少網民指往年素食展都有肉食出售，今次出售泰式鳳爪與即食海蜇並不是單一事件，所以已見怪不怪，甚至有人表示選擇不再幫襯：「仲有阿膠，雞湯包 。上一兩屆見過賣雞」、「記得早幾年去發現咗呢個問題，都係今年不再去的原因之一……」
網民：場地另一半舉辦樂活博覽
其中就有網民解畫，原來在素食展舉行期間，場地另外一半為樂活博覽，所以有出售肉食並不奇怪：「呢個係同場嘅樂活展，有肉食喎」、「其實素食展係從樂活展衍生出嚟」、「上年呢個展覽都係分兩Part，一邊樂活，另一邊素食，上年都有畀人話分得唔清晰。」、「劏魚係樂活博覽項目嚟，90公斤大目吞拿魚（可持續海鮮）切割大公開」。有人安慰他不要過於執著，但事主懷疑解畫的網民實為素食展打手：「一係找錯處，擺樂活上枱好似我有問題咁。一係就情感勒索，叫我食素就唔好執著。」
亞洲素食展主辦單位出面回應
就是次事件，亞洲素食展主辦單位亦在官方Facebook專頁回應事件，表示「亞洲素食展」及「樂活展覽」由兩間主辦公司管理，因為溝通不足令公眾作出困擾表示歉意，並指會汲取此事件的經驗，繼續努力創造一個符合素食界期望的優質展覽會。
