有網民於「香港討論區」發文表示，以前母親年輕時每年端午節都會包糭，但年紀漸長後就甚少再親自包糭。妹妹突然有日「屎忽痕」，一時興起向母親學習包糭，更十分誠心地買好材料準備受教。擁有多年經驗的媽媽也應其要求，教她包傳統三角糭的技巧。但在妹妹滿心歡喜地製作好成品後，媽媽竟然私底下醒事主：「千祈唔好試佢啲糭，食完會後悔……」
地獄糭外表超正常 內裡不尋常
事主聞言以為只是賣相欠佳，但結果出乎意料地，妹妹包的糭賣相正常，拆開上碟後，擺碟亦算吸引，所以對媽媽所說的話不以為然。但當她切開糭時，發現餡料竟然有臘肉與臘腸，原以為妹妹打算以臘味取代肥豬肉，但味道卻不太尋常：「點知食食吓，我覺得似臘味飯多過糭……」
看到家姐疑惑的眼神，妹妹就向她解釋：「糭又係糯米，糯米飯都係用糯米，而且兩者都有蛋黃、蝦米、冬菇同花生，只不過係加入返瑤柱同臘肉唔要肥豬肉」奇特的思維令事主忍不住在心中大呻整隻糭太過油膩，味道實在令她不敢恭維：「我頂……糯米飯係炒，炒到乾乾哋又黏黏哋，而糭係蒸到成隻都黏，加埋臘肉本身啲油……我食一半已經食唔落……」
姐姐轉食甜糭怎料再次中伏
後來妹妹見她吃不下糯米飯糭，就著家姐「留肚」吃另一款甜糭，一聽到甜糭，她就深知不妙。她再次切開糭後，就被甜糭的餡料嚇傻，令她直爆髒話：「Dllm痴X線！佢居然喺隻糭到放芒果，話係芒果糯米飯……點解唔可以正正經經包返個傳統糭？」無奈的她坦言芒果糯米飯糭更加難食：「我食咗三份一就食唔落，仲好想嘔，有冇諗過芒果蒸熟之後陣味真係好似垃圾房陣味……」
事主搞笑的遭遇引發網民熱烈討論，有網民讚揚妹妹有創意，笑言：「自古成功在嘗試」、「其實ok，一向有蓮蓉，紅豆蓉的甜粽。當然，成品可能要改良，或者用芒果醬」，味道可能會更好！亦有網民指妹妹沒有常識：「芒果糯米飯都唔會加熱個芒果啦」、「煮嘢食真係唔係人人都啱，都需要少少天份，起碼對食材要有了解」。
也有網民分享自創的新派料理，他表示小時候曾製作「朱古力飯」，以為甜食會令白飯加分，結果味道意外地差，勁難食！
