米線外賣紙碗竟然「甩底」
日前有網民於Facebook群組「香港米線關注組」發文，他表示到一間連鎖式粉麵店買外賣湯米線，回家打算品嚐便拿起其中一碗湯米線時，外賣所使用的紙製碗底突然整片脫下，湯米線即時傾瀉而出，令事主的身上沾滿了湯底，他更表示有輕微燙傷！
由事主所上載的照片可見，被拿起的紙製外賣碗的碗底整片脫下，碗內的湯米線已全數瀉落餐桌及外賣膠袋上，而事主的上衣也有明顯沾濕。他表示：「好彩碗湯沒有太熱，搽了燙火膏已好了！」可說是不幸中之大幸！
米線舖回覆令事主更為生氣
處理完倒瀉的米線後，事主就向涉事粉麵店投訴，直斥餐廳不應使用如此易爛且劣質的外賣盒盛載熱湯米線。豈料粉麵店的回覆令他更為惱火，事主引述餐廳只有草草兩句回應：「佢哋只係一句抱歉不便，第二句就問單據問題。」他鬧爆，餐廳完全沒有關心他的傷勢：「沒關心過我有沒燙傷，以後會不會去改善等等！其實餐廳有冇諗過嚴重性？如果今次係碗熱湯，我可能要去醫院了！」
網民：食個外賣咁危險
事主遭遇引來大批網民回應。不少人都認為事件十分離譜，餐廳在採購外賣盒時顯然沒有考慮到安全性：「食個外賣咁危險」、「紙碗仲要熱湯，好易爛」、「其實熱到個底都融，你唔洗入院真係好好彩」、「最憎紙盒裝外賣，裝湯好易穿」、「個外賣盒根本承受唔到熱力」。也有網民指，他的遭遇並非單一事件：「我都試過，佢個外賣碗真係好唔得」、「試過一次，同你一樣穿法」。
另有網民指，餐廳處理手法十分不妥，建議他向總公司直接投訴：「你應該同佢講你要去醫院檢查，要去賠償」、「直接打去熱線，Facebook係hea覆」、「呢個問題可大可小，去店舖投訴係冇用的」。也有網民稱，餐廳草草回覆的態度簡直是「玩火」。
