日前有網民向Facebook專頁「生仔要考牌系列」投稿，他表示與友人到一間每人要價約$3,000 – $4,000的中環高級Omakase用餐，整餐Omakase體驗十分開心。正當兩人聊得開懷時，餐廳經理突然手持兩件芝士蛋糕到他們面前，並表示因為另一邊最遠、坐在門口旁的客人生日有剩餘蛋糕，因此就請他們吃。
當時兩人其實已經十分飽足，但基於禮貌便沒有拒絕。而因為他們與該組客人中間隔了5、6名日本客人，也不便走動，所以便打算在臨走之前再向他們道謝。
經理要求講Happy Birthday
就在兩人繼續聊天，相談甚歡的時候，餐廳經理再次走到他們身邊：「不如你哋講聲生日快樂？」令兩人頓時「呆一呆」，但仍立即禮貌轉身，隔著數名素未謀面的客人，並向遠處大聲呼喊：「多謝晒呀！Happy Birthday！」
而該檯生日的客人當中，一名闊太突然語氣不悅地說到：「今日我個仔（貌似16-7歲）生日呀，所以請埋你食蛋糕，我可以揼咗佢！」再次令事主「呆一呆」，雖然場面十分尷尬，事主仍然繼續禮貌表示：「唔好意思呀！頭先見你哋傾緊計。生日快樂呀！多謝晒。」事主表示希望息事寧人，但兩人卻因為這小插曲，早就忘記剛才聊天的話題。
港媽：件蛋糕我會揼咗去
原以為用餐小插曲就此完結的兩人再度聊天，但闊太此時卻旋風式、氣沖沖地走到兩人面前，伸手拿起兩件蛋糕，並充滿敵意表示：「你哋唔鍾意我個仔，件蛋糕我會揼咗去，唔使你哋食！」令尷尬氣氛達到頂峰。
滿腦黑人問號的事主表示，無法理解闊太的一系列行為：「我哋同你哋係陌生人，有乜野鍾意同唔鍾意嘅點？我哋做錯乜？我哋餐飯又唔係你俾錢，我又冇叫你請我食蛋糕，我以為你係開心share咋！你想我哋做乜？同你個仔唱生日歌？你個仔生日其實唔關我哋事，唔駛我哋七星拱照咁圍住佢賀佢生日吓嘛？呢度又唔係你包場同你個仔慶生！」
被闊太的無理行為兩度打斷的他們，最後亦選擇直接結帳離開餐廳。餐廳經理送兩人離開時，不停向兩人道歉：「真係唔好意思，我都唔知講乜好」。最後事主也語帶諷刺直言：「我心中只默默祝福佢仔仔將來嘅老婆，Amen！」
網民：應該學岩布仙尼
事主的離奇遭遇引發大批網民熱議，網民紛紛表示：「其實都講咗生日快樂啦，仲想點」、「個經理個做法都奇怪啦」、「無朋友同佢慶祝生日到要將啲蛋糕同陌生人分享」、「要人講生日快樂去海底撈啦」、「佢哋應該學岩布仙尼happy birthday to me」。
亦有網民笑言：「唔講以為個阿媽請全場食今餐，『今日我仔生日，今晚呢餐我嘅！』即刻贏來全場歡呼聲同掌聲，再加句生日快樂！」、「既然佢拎起咗舊蛋糕又咁串，我會用叫侍應既tone叫佢拎走佢『我地唔食啦麻煩拎走佢呀唔該』激下佢都好。」
