今日（1月6日）下午5點，有網民於「香港初級行山之友」討論區張貼一張行山人士於大東山爛頭營屋頂紮營的照片，並留言：
今日見到Ｅ班人真係自私到爆！係大東爛頭營石屋頂起5個營！仲要用電鑽＋爆炸螺絲起營！
貼圖旋即引起網民熱烈討論…..罵聲四起，GOtrip編輯部聯絡了目擊紮營事件的當事人譚先生，詳細講述紮營者的行為，以及面對勸阻的反應。
1月7日更新：
《蘋果日報》派員登山找到被拍攝屋頂紮營的當事人李先生回應，事主澄清「疑似電鑽」只係手提爐具， 選擇屋頂起營只係「趁日頭未落，起定啲營，佢哋走咗就搬返落嚟，都唔會破壞佢(石屋)，同埋我哋都唔會喺上面瞓，會意外仆落嚟家嘛！」最後並無屋頂留宿，石屋屋頂亦完好，並沒鑽孔，誤會一場。
之前訪問全文如下：
【 時間，地點，人物 】
1月6日下午2點左右，譚先生相約友人，於伯公坳起步登上大東山，同行已發現一行十多人的登山者，帶備完備紮營工具一同起步登山，據譚先生憶述，對方平均年齡約35+，其中更有一位幾歲大的小朋友。
「佢哋設備好豐富，沿途我同佢吔有傾有講，知道佢哋打算留到明天先走；初時見到佢有成套手提電鑽！都無為意！」
譚先生其中一位朋友見狀已感不妥，趨前勸阻表示：「好危險！」但對方並無停手，其後譚先生再度向對方表示紮營行為不但自私而且十分危險，並說電視都有報導不可以於山屋頂上紮營，豈料他們只是輕鬆回應：
「唔緊要吖，我哋唔怕死喎！」
【 是否大陸人？ 】
譚先生和友人都肯定對方並非大陸登山客，「語氣、口音和神態都好地道，而且帶住一個幾歲大的小朋友，肯定唔係大陸人！」
【 面對回應，有冇駁斥？ 】
對於電鑽紮營者的身份，網上都有各種忖測，目擊者譚先生就估計對方是紀律部隊，「因為帶頭紮營幾位身型都相當健碩，似係有操練。」不過對於勸阻，對方都只是笑笑口作回應，態度尚算友善，礙於對方人多勢眾，譚先生眼見屢勸無效，也只能遙距拍照作紀錄放到網上希望引起關注。
【 紮營位置 】
據消息指，對方駐紮位置屬爛頭營最頂山屋（行到最盡有石牆圍住部份，紮營位置寧寧舍舍得一間石屋），並預料對方會留到1月7日才落山。
下一頁：網民回應，全民聲討
【 大東山電鑽紮營，網民回應 】
其實去年10月，早在芒草季節盛放前，已有登山組織呼籲不要登上山屋，今次再犯而且變本加厲，紛紛作出譴責：
- 「上星期行都見好多人係上面野餐，已經好過份，勸左都唔理；今日見到呢張紮營相，啲人唔單只冇公德心，重冇腦，呢啲屋已經係古跡咁滯，日久失修，陣間捱唔住冧左，係咪呢班仆街起返？呢班hihi要死都唔好累啲救護員同飛行服務隊丫」
- 「有咩事又發生又話危險要拆屋到時香港又冇咗個好嘅地方。郊野地方已經越來越少，希望大家珍惜下。」
- 「佢哋係咪想做石屋避雷針咋，不過分分鐘原本石屋唔會被雷劈都因佢哋而殃及池魚喎」
- 「都咁多人呼籲唔好做呢 D野，都仲有D甘 ge人，唔通見報先識知驚」
- 「唔驚碌落來咩？我無露營經驗！不過係唔係應該揾個無咁當風位置扎營，上落又唔方便，如果影星又唔使上屋頂丫！如果拎來做前景影相，幾靚都好！擺出來都比人圍插啦！真係唔知點解！損人不利己！有咩謂呢？！」
- 「今晚大風時佢地就知自己傻仔左」
