2017年4月22日更新：由於有市民於青山靶場內進行非法耕種，駐港解放軍近日貼出通告，內文指「為有效管理和保護軍事設施，駐軍決定於2017年4月24日起，對青山靶場內的非法耕種點進行清理整治。」又警告當地屬軍事禁區，未經准許擅入或被檢控，郊遊人士請注意：
「其實香港可以好靚！」
星期日酷熱天氣警告走咗去行山（玩命嗎._.），
由屯門良景出發，行去下白泥，
條路全程望住日落西斜，又多蚊咬T_T
一開始心裡面真係爆咗十萬句粗，但去到「 港版大峽谷 」個位，
即刻覺得個景值返晒！
揀行下白泥係因為想瞓到自然醒LOL
夏季日落時間約係下午7點，起身懶懶閒入元朗食個Tea，5點先到屯門起步點（良景邨基良學校），行畢全程 2 小時，較啱時間睇日落！
起步段斜路比較吃力，之後都算平坦、易行:)
不過計埋影相時間，同埋捕捉日落的話，7點鐘嗰一剎先到係已經太遲，汲取教訓，下次都係預早一個鐘去比較好（4點）！
做個短評先～
難度：✮ ✮ ☆ ☆ ☆
景觀：✮ ✮ ✮ ✮ ☆
總評：✮ ✮ ✮ ✮ ☆
岩石的紋理好靚，接近黃昏山石都被染成橘紅色，曬啲都抵！
終點注意－－日落後等小巴等足兩個鐘！
下白泥回元朗交通：搭33號小巴，車程半個鐘，車費~HK$12
終極建議大家早少少收隊走人，因為小巴每20分鐘一班車，就算幾多人排隊都唔會加密班次！
提早10分鐘走，避開人潮，上到頭班車就唔使好似我咁等成120分鐘（崩潰）！
真係咁唔好彩撞正超長人龍，請頭也不回地即Call Uber/的士，半秒都唔好猶豫！
