撰文：Yuen｜資料及圖片來源：Staycation Hong Kong Hotel – 留港宅度假 本地酒店住宿優惠@facebook群組、unsplash
發現港島五星酒店蛋糕有毛
男事主於facebook群組「Staycation Hong Kong Hotel – 留港宅度假 本地酒店住宿優惠」分享在港島五星級酒店之經歷，他表示，當初為了圓形浴缸才選擇這間酒店，誰知會有一番如此恐怖的體驗。
食到一半 發現蛋糕中間有毛
當時男事主用了餐飲消費額（credit）叫客房服務（room service），點了甜品做宵夜，誰知食到一半的時候，女朋友的芝士蛋糕中間有條「粗粗哋攣攣哋嘅毛」，而男事主表示作為男人，8成「肯定是某部位的毛」，還要食了一大半，十分嘔心！
酒店回應誠意欠奉
當天晚上男事主即刻投訴，最後只是取消了張單及補償延遲退房，而第二天退房的時候，連一句道歉都冇！男事主提到第二朝早上飲完杯奶，還要肚痛了幾個鐘。這間酒店只有圓形浴缸是okay的，除此之外，其他所有都差強人意。
事後男事主去信投訴
退房之後，男事主當日即時去信投訴，投訴「蛋糕有毛」。當時酒店經理答應了調查後會給予回覆，不過退房至今已超過30小時，都尚未有回覆。而GOtrip編輯部截稿至今，也未見到男事主有再更新任何回覆，相信還在等待酒店回覆。
網民紛紛訴苦 成苦主大聯萌
男事主分享後，引來數名曾入住該酒店的網民來訴苦，他們表示：「當初又係貪得意被圓形浴缸吸引，但其實酒店都幾舊。」「Blacklist前店服務態度真心差。」「早餐很差，冇嘢食不特止，還要限時1小時。」「呢間超差，服務差，所謂海景得條罅，又污糟，攞起個電話好臭，陣口水味離遠都聞到。」可見酒店苦主不止得男事主一個，許多人入住後都表達不滿酒店。
向左拉看網民留言
男事主：不過幾錢都好，條毛都唔可以接受
有網民留言問男事主「book了幾錢」，男事主亦有答覆說：「星期六入住價1840再+1。圓形浴缸房，包1400蚊credit、早餐、lounge下午茶同happy hour。」價錢確實吸引，更稱得上抵玩！「不過幾錢都好，條毛都唔可以接受！」希望事主能夠盡快得到合理的回覆！
