日本YouTuber被澳牛文化嚇親 網民：就係食呢啲
港日夫婦YouTuber Benjamin & Momoko為體驗香港好客之道，決定光顧香港名店「澳牛」。一大早到達時已見門口一如既往排了長長人龍，Momo指曾聽說餐廳的侍應會惡言相向，在等候期間不停練習「落單」，擔心被店員責罵，不過二人用餐過程並不太順利，最後更揚言「無下次」，而他們主要提出三大原因。
一. 澳牛店員大聲呼喝
Benjamin 和 Momoko入店時拿著相機拍攝，當時店員立即大聲質問：「仲影？叫你唔好再影啊」
二. 澳牛店員殺氣大
因Momoko是日本人，在門口早已用廣東話練習「落單叫法」，但因太緊張而「正式上場」時表現口窒窒，把「芝士三文治」讀成「芝士蛋文治」，店員回一句：「下？」，她顯得驚惶失措，因她認為店員「殺氣好大」。
三.澳牛店員推卸責任
二人只用15分鐘吃完一份早餐及三文治便急急結帳，誰知結帳時店員找少了錢，原本$83的費用變收$100，經Benjamin追討後店員反指他們拍攝影響到找續出錯，使二人相當氣憤。
經歷完光速退後，二人貫口同聲指「唔會再有第二次」，雖然澳牛的食物確實出色，但不會在旅遊書上推介，因為旅客「少啲心血都唔得」，且全程聽到店員責罵客人，態度非常惡劣，經常催趕客人，基本上15分鐘不離開座位已被責罵，並指這次的體驗一點兒也不愉快，直言不會再光顧。
其實澳牛除了以炒蛋出名，店員也是一大「賣點」，雖然很多「外行人」不明白為何要「畀錢買難受」，指「點解食嘢都要畀人鬧？」、「唔明咁差態度點解仲要去」、「有咩咁巴閉，咪又係食炒蛋」、「以為呢啲無禮貌又囂張嘅餐廳係香港特色」。但更多網民力撐澳牛貫徹「顧客唔係一定啱」的宗旨，力讚「澳牛哥哥遇到西客時唔會強忍，更加會幫你出頭」、「有次有個大肚婆食緊嘢，哥哥專登拎多張櫈畀佢擺嘢，又叫佢小心啲，好細心」、「其實澳牛只係對無禮貌嘅某個國家人先會惡啲，因為佢哋唔惡唔聽」。而澳牛哥哥亦曾表示，「因店門全天候有一大條人龍，你都唔想啲人等咁耐，所以我哋先咁快」。
澳牛這種獨有文化，對於香港人而言也算是「集體回憶」，當澳牛停業時，大家紛紛表示會等待「重開的一天」；直到澳牛表示重開，網民亦洗版留言，指「等到頸都長」、「好掛住杯茶」、「終於有嘢食」、「好掛住澳牛哥哥把聲」。
