啟德方艙醫院大機會改成過渡性房屋 網民：兩邊不討好
房屋需求大一直是本港一大問題，而特首李家超上任後的首份施政報告將會解決過渡性房屋不足，擬訂一個合適方案。當中，有指於啟德方艙醫院有很大機會改建為過渡性房屋。
啟德方艙醫院有獨立廁所成「熱門」之選
現時的啟德方艙醫院樓高4層，共有2700個單位，同時可供多人家庭使用，約可住5000人，亦建有電梯讓行動不便者使用。而當中最主要的考慮條件是啟德方艙內設獨立洗手間、淋浴間，符合多個可以成為過渡性房屋的要求，所以最大機會改其用途。
網民對方艙醫院變過渡性房屋有5點保留及存疑
消息傳出後，網民就改建啟德方艙醫院用途一事有不同的意見。
存疑一、可安全居住？
有網民表示方艙醫院在建造時十分趕急、倉猝，加上近期出現不少的工程事故，以：「會唔會急到skip哂啲安全條例㗎？」、 「起得唔係諗住疫情期間用完就拆咩？而家諗住長期俾人住？會唔會同房屋條例唔一樣？」、「咁似九龍灣臨時房屋區」、「下，中國建喎」等回應。
存疑二、屋內無煮食設備
雖然當中有電蒸爐供應，但亦有網民認為屋內的煮食設備不齊全，只有一個電蒸爐不足以使用，表示：「唔係又要叫人日日嗌外賣？」、「喺房入面煮食燒埋間屋點搞」、「無全套廚房設備⋯⋯」、「諗住叫人買外賣？出面兩餸飯最平都40蚊」。
存疑三、疫情再爆發時如個處置居民？
亦有網民擔心：「如果再爆無位用點算？」、「疫情緩和少少又諗住拆方艙，萬一搞個新變種出嚟，一波嚴重嘅疫情唔夠方艙用」。
存疑四、無配套叫人點住
住屋最重要就是配套，網民指：「個位置咁靚做方艙已經係好奇怪，做過渡房屋冇交通配套個啲居民食老綜唔使返工？」、「住跑道盡頭便利店都冇間，車就更加唔洗講，打風落雨返屋企都身濕」。
存疑五、對經濟發展有所影響
有網民指跑道上近郵輪碼頭，指：「又話世界級游輪碼頭，一落船就睇住個難民營」、「咁大撻市區黃金地段，搞重建搞左20年，結果就係咁」、「隔離啲豪宅樓價 RIP」、「新加坡又贏」。
