新鴻基推無限有薪年假　稱不怕員工濫用　網民提出5大質疑

新鴻基無限有薪年假政策　彈性申請假期不需理由

香港人返工有多勤力相信不用多講，但放假回氣亦非常必要。新鴻基有限公司任放假政策目的是希望讓所有員工可彈性利用假期，在申請有薪假時不需要提供任何理由，只要該名員工過試用期便可，即使是茶水姐姐、接待員均可享有此福利。請假手續與一般年假一樣，員工只需要完成手頭上的工作、完成工作交接以及與上司商討放假日子即可。公司亦曾有員工在試行期間一次過放兩至三個月有薪假期。

疑問一：點樣先叫「完成工作」？

此政策引來網民不少質疑，有人認為政策不明確，「完成工作」定義的界線模糊，指：「咁做唔完啲嘢係咪要no pay work」、「有冇做晒手頭上嘅嘢，好難定義架喎，你做完自己嘢，但你上司又都會有更多新嘢俾你，咁佢都可以話你未做完喎」、「即係一日未做完晒野就唔好放假」等回應。

疑問二：下屬睇上司面色放假：無人敢放

由於放假的自由度高，反而會令到下屬要「睇面色」申請放假，甚至可能造成「放唔足」的情況出現，指：「政策唔明確只會令人唔敢放，一定會睇人面色放」、「又要睇直屬上司頭」、「即係一日未做完晒野就唔好放假」、「無限老細就有藉口叫你唔洗急住放等吓先，假設原本一年15日，到時好多人一年都唔會放足15日」等回應。

疑問三：得返班細嘅做，老嘢就日日放

由於政策是有需要便可以請假，有網民又擔心會造成不公平的情況出現，指：「根本係高層的福利，唔會係低層的福利」、「得返啲高層日日放假，畀人炒咗仲有錢賠，後生個班要做到無停手」、「嘥氣啦做晒手頭上嘅嘢？分分鐘一個人做幾個人嘅嘢呀」、「當同事申請嗰陣，負責批嗰個高層放緊假，好似話要去到2046年至返到工」、「手頭嘅工作畀老闆跟？」等回應。

疑問四：無限放假＝話俾公司知無咗你都得

有網民擔心此政策會帶來被解僱的風險，留言指：「測試公司有無多餘人手咋」、「其實公司真係想炒一個人，又有幾難呀？你咪試下申請」、「如果可以咁放假，證明公司根本唔需要你」、「搞掂晒手上野，交接好晒，好安心放2個月，公司發現無左你都無咩問題，可以繼續放落去」等回應。

疑問五：唔係個個職位都可以咁

雖然此福利茶水間姐姐及接待員都可以享用，不過有網民就認為：「如果搵唔到人接手係咪姐係唔使放？」、「旗下咁多業務，諗下都知冇可能個個職位都咁玩法」、「只係適用於sales爆數嘅情況下？嘢點會做得哂！」。

網民：win-win雙贏

雖然政策上為網民帶來質疑，不過亦有人指出，其實是一個雙贏的方案，指：「你肯拎假又肯跑夠數，雙方都有賺啦」、「咁調轉咁諗，你有能力達到甚至超業績，放的日子自然多，如果你平平無奇，但相對出面一堆得7至14日年假相比，你放得多過佢地已經好過平常人」等回應。