乘客搭的士落車發現差$3 司機爆粗折返起點照收錢
近日網上流傳一條1分鐘的車cam片段，片段顯示事件發生於2021年，一名年輕男乘客在到達目地後，向司機稱自己：「爭3蚊」，司機馬上焫著：「無X嘢呀？八達通呀！」，乘客又表示無八達通。然後司機一路用粗口鬧後座的乘客，網民看到片段後鬧爆對該名司機的態度！
原路折返仲要收錢 網民：畀錢遊車河
乘客向司機表示自己爭$3， 亦無其他付款方法時，司機一路爆粗鬧該名乘客，一路原路折返到起點，乘客下車時還需支付身上所有金錢。網民表示：「畀錢遊車河」、「3蚊都係300米左右，倒返300米咪得囉」、「同遊花園+打劫有咩分別」 、「車返原地無問題，但係唔可以收錢」、「車返我原點一蚊都畀，一係放我落車一係報警」等。
網民：司機成日找少錢
有網民認為司機平日都收開貼士：「三蚊就算啦，的士狗好小器」、「DC9成日夠話無毫子啦，去返原地即刻唔畀錢」、「以後毫子都要佢哋找就啱啦」、「好多的士司機找續時四捨五入，零頭你唔問佢佢當小費。欠三元使唔使咁睇唔開？行街買籌款旗仔都唔止啦」、「3蚊貴定油錢貴？」、「好難唔叫你DC9」等回應。
乘客態度好難唔焫著司機
網民認為司機為$3而爆粗的態度不可取，不過車上乘客態度亦要改善：「無八達通，無講唔好意思，10個人都有9個人會㷫啦」、「爭錢好心自己諗下計點樣補足車資，即使係一陣畀都好。一句『無呀』就想的士佬硬食，今日你唔係爭3蚊，係爭30蚊又點計呢，兩邊都有問題」、「payme/fps/八達通，以前甚至試過叫司機畀個銀行no.我，即日入數，呢d野都要人教？」 等。
的士司機講粗口屬違法
《道路交通（公共服務車輛）規例》中說明：的士司機在作為該等司機時，須有禮貌及守規矩，亦不得無理延誤行程。違例者一經定罪，最高可處罰款$3,000及監禁6個月。同一條規例下，乘客亦不能使用不良或冒犯性的語言、或作出不守規矩的行為。