近日有位媽媽於Facebook群組「天下貓貓一樣貓群組」上載了一條約40秒的短片，她表示早前家中的愛貓「甘甘」過世，兒子則是第一次面對生死。甘甘火化的時候是由兒子親手按下火化掣，面對屋企成員甘甘的離世，兒子非常傷心，同時也十分掛念與甘甘玩耍的日子。
該名媽媽稱，兒子有問她：「甘甘會去咗邊？」她安慰兒子不要擔心，甘甘會與Bobby（另一隻已過世的寵物狗狗）在天堂玩耍。淚流滿面的兒子說：「咁我咪以後都冇得同佢交流囉」媽媽就教他可以試著與甘甘的照片聊天，甘甘會聽到他的話。
兒子與離世貓貓夢中相見
後來有一日，兒子在起床後就興致勃勃地向她表示，對甘甘照片說話的方法「真係Work㗎！」甘甘和Bobby在昨晚真的到睡夢中找他，而且牠們也十分開心！自此之後，他就每日都與甘甘的照片聊天，訴說著對牠的思念之情，分享著每日生活所發生的趣事，並期待著甘甘再到他的夢中玩耍。
媽媽事後表示，兒子雖然面對甘甘的離世十分難過，但依然充滿愛心。兒子後來對她說如果有見到流浪貓「要畀個位佢做我哋屋企嘅成員」，媽媽則擔心地反問會不會怕要再次面對死亡，兒子卻充滿自信地回答：「唔怕！」
網民：體會生死係一種教育
影片上傳後令大批網民感動，網民紛紛表示：「充滿愛的小朋友，不要太傷心，貓貓知道的，很感謝你對佢的好！」、「到有少少心噏，好感觸！毛孩會在彩虹橋開心生活，小朋友都會開心快樂地成長」、「其實小孩子時候能俾佢地體會生與死，係一種教育」、「貓貓只係去咗彩虹橋，其實佢無時無刻都喺我哋身邊守護住，只係你見唔到啫，總有一日一定會重聚㗎」！
