帝京酒店聖誕Staycation優惠｜氣球主題自助餐、獅子山夜景歎5道菜晚餐

【帝京酒店聖誕Staycation優惠】聖誕節就快到﹗你諗好節目未？想同家人至愛又飲又食，靜靜地歡度佳節？編輯部推介帝京酒店最新推出的「閃爍聖誕住宿優惠」，$1,650包一晚住宿及5道菜雙人聖誕大餐，唔使頻撲出街同人迫，就可以有個浪漫聖誕，最啱小情侶同傾唔停口的閨密。

撰文：Sasa｜圖片來源：Sing

帝京酒店「閃爍聖誕住宿優惠」

Staycation很多時包自助餐，但今次帝京酒店的聖誕住宿優惠收費為$1,650起，是住房連Lion Rock五道菜節慶饗宴，單是餐飯已值過千蚊，換言之，加多$500有埋住宿，就聖誕來說，非常抵！平安夜一於手拖手check-in，然後四圍打卡留念，之後沖個涼，換件靚衫，舒舒服服落3樓的Lion Rock食飯。

客房簡約舒服，King size睡床任你碌，一夜好眠。 — 客房簡約舒服，king-sized睡床任你碌，一夜好眠。

禮遇包括：

客房住宿一晚
雙人Lion Rock 5道菜節慶饗宴（價值：$1,315.60）
客房內免費觀賞任何收費電影頻道
免費使用客房無線及寬頻上網服務

Lion Rock 有大列落地玻璃，可以遠望獅子山，入夜後，華燈初上，更加浪漫。

Lion Rock五道菜節慶饗宴 – 食材矜貴聖誕餐

很想知道帝京酒店的聖誕大餐有咩食？先來二選一的前菜：炸北海道鱈場蟹肉餅伴田園沙律或火炙油甘魚沙律；前者香脆可口，後者鮮味豐盈，一於一人一款，開心share。之後來一客帆立貝蘆筍芝士忌廉湯，奶香幼滑。再以百香果香芒雪芭清清味蕾，迎接主菜重頭戲「蒜香龍蝦尾、烤銀鱈魚及烤澳洲 M9 和牛配鵝肝牛油」。龍蝦鮮甜彈牙，銀鱈魚肉香細緻，和牛油脂甘香，大滿足！最後食埋朱古力樹頭蛋糕，甜甜蜜蜜，才算完美聖誕。

五道菜節慶饗宴原價8/位，如在12月20日前預訂，可獲85折優惠。 — 五道菜節慶饗宴原價$598/位，如在12月20日前預訂，可獲85折優惠。

氣球主題自助餐

相反，如果嚮往一個熱鬧聖誕，那就推介你試試自助晚餐。花月庭自助晚餐今年以氣球為主題，自助餐桌上將以氣球及小燈泡作裝飾，充滿節日喜慶感。食物方面，簡直花多眼亂：來自法國、美國的即開生蠔、冰鎮海鮮、手切原隻 36 個月西班牙伊比利亞火腿、松露牛油烤火雞釀意大利煙肉、松露野菌威靈頓牛柳、片皮鴨、斧頭扒、雙重芝士龍蝦闊條麵⋯⋯講都講唔完。

松露牛油烤火雞釀意大利煙肉

挑選20磅美國火雞，浸醃過夜，再釀入香炒過後的意大利煙肉、榛子、蘑菇、雞肝及意式麵包等餡料，在面層塗抹松露牛油新鮮焗成。雞肉吸收了醃料的鮮味，外皮香脆，肉質幼嫩。

冰鎮海鮮

海鮮是香港人自助餐最愛，即開生蠔、波士頓龍蝦、加拿大長腳蟹、麵包蟹、智利藍青口、新西蘭青口、加拿大翡翠螺及太平洋海蝦 ⋯⋯一應俱全。

36個月西班牙伊比利亞火腿

手切36個月由西班牙進口的La Prudencia風乾火腿，油脂豐富，配蜜瓜還是配西班牙脆包比較好味呢？

即開生蠔

每晚都有兩款生蠔供應，法國蠔味濃，美國蠔爽甜，你喜歡哪一款？

雙重芝士龍蝦闊條麵

將忌廉、意粉一同放入直徑20吋的巴馬臣巨輪芝士上炒香，還加入鮮味的波士頓龍蝦，條條意粉都沾滿芝士汁，滋味無比！

爐端燒

平時食爐端燒，逐串計，很肉痛，現在一次過滿足晒！汁燒長蔥和牛卷、匈牙利髦毛豬肉串、柚子胡椒雞肉串、海膽醬燒青森產扇貝等等，還可自選配搭韓式香辣烤肉醬、日式大蒜燒肉汁及半溶芝士醬，正呀！

香草果仁烤美國安格斯斧頭扒

12磅原件美國安格斯斧頭扒，用百里香、開心果及紅、黑胡椒粒醃製後才焗製，肉香細嫩，非常juicy，必食！

吸睛甜品相機先食

宇治抹茶柚子聖誕老人

不過講到最吸睛的，又怎麼少得一系列外形可愛，又有心思的主題甜品呢？高10吋的巨型主題蛋糕，造型仿照聖誕熊啤啤爬煙囪送禮物的其實是宇治抹茶柚子蛋糕，蛋糕內層是宇治抹茶牛油蛋糕、抹茶牛油忌廉及柚子朱古力忌廉層層相間，中間注滿M&M’s 朱古力，一切開，大量朱古力流出，叫人驚喜！以扭扭氣球聖誕鹿作裝飾的聖誕果子蛋糕，外觀cute爆，但做法傳統，啖啖都食到乾果香。聖誕薑餅人就食得多，脆脆榛子薑餅朱古力撻就比較少見，上面綴以朱古力製成的七彩氣球，好睇又好味。食之前，不忘影番張靚相，紀念一下這個色、香、味俱備的快樂聖誕。