90後山系女神Gasha成日週圍去，影靚相之餘又接觸大自然，真係陽光到令攤係屋企唔願郁嘅大家好羨慕。
想知 Gasha 點解成日行山都唔黑又影到咁多靚相，不妨睇睇佢個袋入面，除咗水同食物，仲有咩 行山裝備 ，下一次出門前都可以好好參考！
圖片來源：Hike迷 • 露營
01 | 運動相機及穩定器
去行山唔影相點得架，留個記念都好呀嘛。帶相機記得帶埋穩定器，咁就可以輕鬆影到女神相同拍靚片啦！
相關文章：
水多人不怪？ 行山帶水有學問（附實戰例子） @ Fitz.hk
新手必睇 | 7 大行山裝備與物資 @ Fitz.hk
小心中伏 | 最易中招行山食物 @ Fitz.hk
02 | 防曬噴霧
防曬無論對女生和男生都非常重要，除左可以防止變黑之外，最重要都係可以預防皮膚癌！而噴霧就因為方便補防曬，又夠輕，可以隨身帶。
03 | 防曬手袖
曬傷隻手點得架，行山要緊記搽防曬之餘仲可以帶埋手袖，就更加萬無一失啦！
04 | 包膠尿袋
行山一定要帶外置充電器以防手機無電，萬一有事又聯絡唔到，你話點算！
記得仲要用膠袋包住，咁就算落雨都唔怕啦！
05 | 冰巾
夏天熱辣辣，冰巾必備！只要濕一濕水就可以 keep 到好涼，放係塊面到勁消暑，正！
06 | 太陽眼鏡
有時太陽太刺眼，就算熱愛陽光嘅人都會覺得好辛苦。
帶定副黑超戴住行，唔辛苦又唔怕傷到對眼。
07 | 濕紙巾
上到山唔係個個地方都有水源，大汗淋漓又無得洗手洗臉，真係幾辛苦。
所以記得帶定一兩包濕紙巾，隨時隨地都可以抹，唔洗周圍搵水！
08 | 頭燈
萬一想入洞穴探個究竟但又無頭燈，最後太暗睇唔到路簡直就係非常失策！
仲有，有時行山時間未必預得咁啱，一覺唔覺意行夜咗，頭燈就變得非常重要！
09 | 風扇
行行下去到狹窄地方風都無，又焗又辛苦！自己帶備小風扇保持空氣流通，人就無咁容易暈啦。
Tags :
香港郊遊
