市民尼格颱風前到超市備貨 賣剩即食麵＝最難食？
每逢打風香港人都習慣到超級市場購買食糧，所以超市貨架都會被一掃而空。然而每次貨架上都會剩下大量同一隻味道的即食麵或杯麵，於是就有網民在連登討論區上以「每次一到打風，就知邊款出前一丁最難食」為題，選出最難食即食麵。樓主又上載一張剩下大量咖喱味的圖片，只留下一句：「雞蓉世一」，但沒有加以解釋。
網民不同意：地區問題？好好食喎
有網民認為圖中賣剩的咖喱味並非最難食，指：「落少啲水加隻蛋可以連湯飲埋」、「依隻好好食喎」、「係咪嗰區多老人家，佢哋唔食咖哩味咋？」、「無可能！」等回應。
網民票選最難食即食麵 第一位沒有驚喜
網民亦總結多次超市掃貨潮，選出最難食的5種即食麵。
第一位：合味道辣蕃茄味杯麵
說到難食的即食麵，網民一致認為是合味道的辣蕃茄味杯麵，更形容它的味道似「煙灰缸味」、「完全0茄味」、「食緊嗰時懷疑緊個杯麵係咪變壞咗」、「賣緊15蚊3個都無人要」、「難食都算，仲整臭屋企個廚櫃」、「見過賣$2.5都仲有一堆貨」等回應。
第二位： 福字麵
也有網民認為福字麵最難食，指：「第一輪疫情，樓下間百佳連呢隻一丁（咖喱味）都清哂，但有人咁高嘅福字麵」、「以前啲福字麵就好食，而家就真係好難食 」、「湯面不了，乾食都仲可以」等回應。
第三位：出前一丁黑蒜油味即食麵
出前一丁的黑蒜油味即食麵亦有上榜，網民指：「一開頭都還ok，但食過幾次之後，每次聞到蒜油湯底味都想嘔」、「杯麵仲難食，杯麵啲麵易吸水吸油，陣味勁怪」、「好淡味」、「啲油溢味食到反胃」、「就算好食都係個豬骨湯好食，唔係個黑蒜油好食」等回應。
第四位：出前一丁柚子胡椒豬骨湯味
網民又認為出前一丁柚子胡椒豬骨湯味：「奇奇怪怪」、「食過一包，唔會再買」、「食咗半包」、「開出嚟除咗有浸人工甜味之外，就係化學物品嘅味， 食到有PTSD」、「柚子真係同好多食物唔夾」等回應。
第五位：合味道XO醬海鮮味
自合味道的生產地改變後，有不少網民認為合味道一貫好食的XO醬海鮮味、辛辣海鮮味變得難食，指：「合味道變淡了很難食」、「自從不是香港製造後，變得好難食，身邊的朋友也放棄了」。
同場加映：內地螺螄粉
以臭味出名的廣西即食螺螄粉都貨源充足，相信無人想臭親隔籬鄰舍。
