紅磡被「睇唔起」要用何文田掩飾 網民：大把人唔認自己住嗰區
近日有網民在討論區開文，指朋友住紅磡反指自己住何文田，質疑紅磡區人根本「睇唔起自己個區」。帖文者指，他認識一位住紅磡舊樓的朋友，有次聽到該名朋友到處跟別人說自己住何文田，深知實情的事主好奇一問，該名友人指因「屋企喺何文田站隔離，所以話自己住何文田」，然後所有朋友均以為他住何文田新樓盤。帖文者更指，對於朋友這具誤導成分的說法感到非常不解及不滿，直言「唔好諗住近何文田站就話自己住何文田先得㗎！」
紅磡無辜被消失，有區內居民表示「紅磡嘅方便程度係何文田十世都追唔到」、「連自己都呃埋，睇見都覺得佢辛苦」、「自卑心態作崇」；亦有網民表示理解，因「紅磡只是中產區，何文田是傳統豪宅區，有得扮仲唔扮？」、「何文田樓價高過紅磡幾多，講出嚟都威啲啦」。
網民數3招最絕「唔認自己區」
不過這話題亦引起另一番討論，網民表示「扮住其他區」的例子大有人在。
1.個個都話自己住半山
網民指身邊有朋友住半山壹號對面樓齡較大的舊樓，「每次搭的士都話半山壹號落，有種莫名爽感」，而半山壹號並非確實在港島的半山區，而是何文田常盛街80號。亦有人指「其實喺香港話比人聽住半山，即係住半山區，並唔係形容地理上嘅半山，你哋唔好到亂認啦唔該」，「身邊太多人話自己住半山，其實住秀茂坪」、「慈雲山公屋都係話住喺半山，但無提過其實係慈雲山」。
2.個個都用鄰近做藉口
網民指朋友明明住深水埗，但卻指自己住南昌站，「南昌啲私樓同你深水埗啲樓價爭幾遠先得㗎」、「有啲人仲用樓盤名扮勁，愛可頌明明喺深水埗就話自己住長沙灣，覺得深水埗失禮就講大話」。亦有人指「住大角咀扮住奧運」、「住將軍澳同人講住港島，因為佢搭港鐵近藍色線嗰頭，真係咁都得」。
3.特登Call的士去對面新樓上車
網民指認識一位朋友「每次call的士都專程在新樓樓下上車，明明佢住隔離棟舊樓，但就一定要去隔離棟新樓上車，都唔知有咩咁威」。更指「有錢人根本唔會咁做，不知幾想低調，所有唔認自己住個棟樓或區嘅人都係自卑」。
