麥當勞香港機場禁區開店 24小時營業
香港機場離港層的麥當勞，相信是不少人上機前必食的餐廳之一，全日的人流也絡繹不絕。而最近麥當勞和McCafe就正式進駐香港機場中央客運廊，即是在禁區內設店。
新店位於11號登機閘口附近，而且有落地玻璃可以直接望住停機坪的景色進食，所以店內亦特意設有面向停機坪的吧枱位，讓食客可以慢慢歎。而且麥當勞和McCafe新店將會24小時營業，無論清晨機還是凌晨機都唔怕冇嘢好食喇！此外，麥當勞店前亦設有航班時間表，食客可以隨時留意航班情況。
禁區新店開幕後，大家就不用check in前在離港層食定麥當勞，可以離境進入禁區後，再慢慢食喇。
食品價格與山頂分店一致
有網民擔心禁區內的麥當勞價格會非常貴，編輯透過麥當勞App查看，以麥炸雞套餐為例，市區分店售$46.5，禁區內分店則售$49.5，與山頂廣場分店一致。不過禁區分店內的6件麥樂雞餐和豬柳蛋漢堡餐就未有特惠價提供。
網民盛讚：等咗好耐
麥當勞曾經在機場T1禁區內設店，但餐廳區翻新後麥當勞亦隨之結業，之後機場就只剩離境層一間分店。網民紛紛表示麥當勞重回禁區內設店「等咗好耐」，「紅眼機喺機場真係冇嘢好食，依家起碼有間麥當勞」、「終於開啦，等咗你好耐」、「坐凌晨機又多個地方可以hea下」。
McDonald’s & McCafé
- 地址：香港國際機場一號客運大樓中央客運廊（鄰近11號登機閘口）
- 營業時間：24小時營業
