撰文：CY｜圖片來源：Facebook專頁「新巴城巴 NWFB and Citybus」、Facebook專頁「KMB 九巴專頁」、Wikipedia@LN9267、Wikipedia@ATR50
全港最貴巴士車費高達$50！貴過好多機場巴士／通宵巴士
排第一、二位點少得機場巴！
榮獲首兩位的分別是由城巴營辦的NA10線及NA12線，定價足足$58，兩條路線均為夜間路線，連接港島區、香港國際機場、港珠澳大橋香港口岸的路線。
第三位都超過$50！仲要係日間路線！
吊咁耐癮，其實獲得第三位才是令不少人震驚的主角，皆因這條連接新界沙田馬場及天水圍的九巴896線，收費足足高達$50.5，定價遠超過不少機場巴士路線！
九巴896線亦是全港日間最貴巴士路線，不過都貴得有道理，因為此巴士線連結新界東及新界西，並僅於沙田馬場賽馬日提供服務，供應時間為尾場賽事開跑前後1小時，客滿即開，估計都要靠高昂定價才可以為返本。
第四位巴士線就跌落五字頭！
車費高於$50的巴士路線只有以上三條路線，而緊跟其後的就屬嶼巴1R線，定價為$47.2。此巴士線亦是全港唯一一條連接九龍市區及南大嶼山的巴士路線，獨此一家，而且僅於星期日及公眾假期提供三班次服務，定價貴都有道理啦！
調轉頭睇最低巴士車費嚇一跳！
看完上面幾條最貴巴士路線，再看看九巴71B線一程車費居然只需$2.2，真是嚇到心都離一離！
此巴士路線為全港收費最便宜的巴士路線，循環來往富亨及大埔中心，由於開辦目的旨在吸引富亨邨居民前往大埔中心轉乘其他巴士路線，所以定價相對比較低，無看錯，只需$2.2。