【熊本秋色】睇完杜小姐去熊本玩，係咪都好想去呢？想見Kumamon嘅話，去Kumamon Square就見到，但記住要上網check定部長喺唔喺office喎！如果你即將出發，可以考慮下去市內嘅「熊本縣廳」睇銀杏樹。
撰文：主場・日本 圖片：新傳媒圖片室
銀杏隧道飆車
去熊本看絕景金秋，用不著千裏迢迢租車自駕去偏遠的地方，於「熊本市国際交流会館」5百円租架單車踩去市中心縣廳，話咁快就睇到黃金隧道。這條短短200米的銀杏大道，兩旁整齊地栽種了54棵高聳的銀杏樹，數量唔算多，但每年11月底至12月初，秋風起黃葉落索，好似鋪了一張黃色地毯！上年我就date咗Kumamon去兜兜風喇，係咪好羨慕呢？
「影呢隻百厭星影咗好多次，次次都冇時停，自己跑來跑去，捉都捉唔番呀！所以今次特登約佢喺縣廳影相，即係佢嘅office，作成一人（熊本縣知事）之下萬人之上，上司下屬都望實佢，以為佢會乖乖合作影相啦，點知，一車在手，就秒速飆走，身手敏捷到你唔信呀！」－－負責記者Katty。
更多拍攝花絮逐格睇：
地址︰熊本市中央區水前寺6-18-1
交通︰熊本市電「商業高校前」站下車步行5分鐘
入場費︰免費
去片：
