撰文：Kassidy｜圖片及資料來源 ：Again Seoul Guesthouse 、Ling Cheng 鄭金鈴 링
任何圖片都得！即影即有 自製交通卡 T-money
即影即有的 T-money （即韓國的交通卡）機器可以印電話內任何圖片，只要用電話掃 QR code 就可以。一共有4種語言選擇：韓語、日語、英語跟中文，每張盛惠 ₩6,000/約HK$44，可以跟閨密/另一半印番幾張，迷妹們也可以印製心愛偶像的專屬 T-money！
01｜Scan QR code、電話上載照片
先 scan 機器上的 QR code，就能夠連上電話，再選擇上傳圖片，就可以揀電話內的照片上傳到機器內。
02｜用機器 scan 電話上的 QR code
上傳圖片後，電話會顯示一個 QR code，再用機器的 QR code 掃描器掃描，機器就會收到電話的照片。
03｜付款！只限信用卡
付款方式暫時只有信用卡，雖然螢幕會顯示現金跟信用卡，但現金一欄暫時未能使用，所以只好用信用卡付款。
04｜完成！1分鐘內印好
付款後，螢幕就會顯示印製進度，大概1分鐘內就會印好。T-money 主要是一張白卡印上圖片，沒有太多的設計可言，只是比起其他 T-money 卡，旅客們可以擁有一張專屬自己的交通卡！
超易搵！坐落弘大入口地鐵站
呢部機暫時只知道得一部，位於「弘大入口」地鐵站的 3 號出口，在售票機旁邊，唔需要入閘就可以整呢張卡。但內裡未附有任何儲值額，印完張卡又想用就要自行充值了。
印白卡唔使驚！交還客戶服務站
有時機器會發神經出白卡，但絕對唔使驚，只要拿著卡去旁邊的客戶服務站，就可以退回 ₩6,000，畢竟機器是初次運行，會出錯也不足為奇！
最新的韓國入境要求詳情？
韓國宣布即日起至2月底，所有來自香港及澳門航班必須使用仁川國際機場降落， 即睇：韓國入境最新要求限制。在入境韓國前，建議也可買定韓國電話卡，部分更有通話功能，以及選定心儀酒店。
韓國首爾有什麼好玩推薦？
首爾美食多籮籮，即睇美食推介，而醬油蟹絕對是其中一樣必食美食；一人旅遊到首爾不知到哪覓食？大可到訪首爾可以一個人用餐的人氣獨食餐廳。玩樂方面，滑雪是不可錯過的活動，5大滑雪場適合新手一日遊，亦可到樂天世界大玩遊樂設施及韓服體驗。另外，也可用幾日時間到釜山玩返轉，即睇首爾去釜山交通懶人包。準備到首爾賞櫻花的大家，可預先一看首爾櫻花預測及賞櫻地點推介。
