【日本熱話】日本蔬菜達人傳授 | 冬天揀蘿蔔心得

撰文：主場・日本     圖片：電視截圖

開估前，大家先想想……

同之前幾次一樣，大家一齊估下先啦！邊個蘿蔔好味啲？A or B？

逐個部分睇清楚

首先睇下啲葉…… A好似直啲，B好似鬆散啲！

睇個body～ A好似脹卜卜啲，B就好似修長啲！

睇埋底部，分別最大！A係圓碌碌，B係面尖尖！

杉本先生畀提示大家，係睇個底部！

揀蘿蔔，原來係睇個底！

相葉雅紀發現B的底部係非常尖！

A就圓潤得多！

咁圓碌碌定面尖尖好？

邊個蘿蔔好食啲？A or B？

答案係…… A！

A係好食啲！

蘿蔔成熟時……

杉本先生話，蘿蔔熟的時候，底部就會脹卜卜。

「面尖尖」的B，其實即係仲未夠熟，仲可以長大！

杉本先生話大根B可以長多10cm！

買半條的話……

日本超市會出售切開一半的大根，杉本先生教大家，愈粗愈好！

因為冬天的時候，蘿蔔會留在泥土內成長，所以愈粗身的蘿蔔就會吸收更多營養，味道更甜！但天氣暖的話，蘿蔔生長在泥土外，以及不會變粗的！

試食時間

相葉雅紀先試食「面尖尖」的B，他覺得非常美味！

再切開圓碌碌的A，發現好多水分，食落口好似梨咁甜！

相葉雅紀試食A，覺得跟B完全不同，非常甜！

點食蘿蔔最好味？

杉木先生表示，靚的蘿蔔，煮熱食會更甜！

而最美味的食法，就是做「Oden」關東煮！

大根關東煮製法

Step 1：首先將蘿蔔去皮。

Step 2：然後將頂部及底部的圈圈切平，那麼煮的時候，不會那麼易煮爛（賣相很重要）！

Step 3：放入昆布高湯內煮。

大根關東煮完成！

下一頁：日本達人教路 | 點揀奇異果？點切先保留最多營養？

下一頁：高級水果店「銀座千疋屋」買手，教你揀士多啤梨！點保存最好？