去北海道食蟹是常識吧！不過好多懶人係又要食又要憎剝蟹，唔知係咪就係講緊你！係你就得啦！今次同大家介紹來自居酒屋にほんいち的招牌菜 –玉子蟹肉山 。
最啱懶人食嘅玉子蟹肉山係選用鄂霍次克海域出產、紋別著水產店「海商水產」直送的松葉蟹，因為蟹肉激多，店方宣稱賣一碟蝕一碟！
蟹肉出卷玉子￥880/$64
居酒屋招牌作，幾乎每枱都會柯打，蟹肉超澎湃，六件玉子頓時變成配角。
的確冇誇張，玉子燒上枱時，店員在你面前將蟹肉一大匙一大匙放在蛋卷上，覺得足夠就可以叫停。真係幾多羹都得，蟹肉可以多到將蛋卷完全淹沒。蟹味濃郁鮮甜，肉質有彈性，分量比雞蛋還要多！
用火槍燒香後，帶微焦的啖啖蟹肉相當鮮甜，非常滿足。
居酒屋にほんいち すすきの店
地址：北海道札幌市中央區南4条西4丁目惠愛大樓4樓
電話：+81-(0)50-5828-0716
營業時間：星期一至四 5:00pm-1:00am，星期五至六及假期前夕 5:00pm-3:00am，星期日及公眾假期 5:00pm-12:00mn
交通：地下鐵すすきの站步行1分鐘
