【北海道初雪】大雪山黑岳落雪喇！　北海道初雪積雪達5厘米

撰文：SY｜資料來源：朝日新聞、大雪山層雲峡・黒岳ロープウェイ 喺尋晚（18日）晚上9點以後，北海道「大雪山國立公園」降下初雪，而大雪山黑岳於同旭岳溫泉一帶都紛紛迎來本年度初雪。海拔1900公尺嘅黑岳石室，喺今日上午5點30分，錄得積雪達5厘米。

上年初雪日期為8月17日，係半世紀以來最早初雪紀錄。而本年度初雪雖然算早，但相比上年則遲咗32日。根據日本傳媒報道，營運大雪山雲層峽・黑岳纜車嘅負責人指，黑岳山頂嘅避難小屋喺大約11點出現初雪，當時氣溫為攝氏零下一度。佢仲話，紅葉會由黑岳9合目起開始變紅，呼籲賞楓同登山人士都要做足禦寒措施。