踏入12月，應該唔少香港人都準備好去北海道過白色的冬天。原來有好多冬天的 北海道冷知識 係好有趣，唔好話你唔知，好多日本人都唔知！例如，由屋頂溶雪變成的冰柱，係北海道小朋友的「零食」，唔係講笑呀！
5個冬天北海道冷知識！
01│摘「冰柱」當零食？！
冰柱，除咗可以係小朋友用來格劍的「兵（冰）器」之外，仲係佢哋嘅零食！隨手喺屋頂摘一條落嚟，打完交之後，口渴，咪食囉！補充水分嘛！
02│砌‧唔‧到‧雪人！
去到北海道，以為咁多雪實冇死啦！但唔好亂唱：「Do you want to build a snowman？」因為北海道係build唔到snowman呀！ 原因係啲雪係好乾的粉雪powder snow，除非加水，否則啲雪係唔會黐埋一齊，唔好話雪人，就連雪球都整唔到呀！
03│凍的形容詞唔係「凍」，係「痛」！
對於一年有一半時間氣溫都係冰點以下的北海道來說，「凍」（さむい），已經不夠形容有幾凍，當地人會用「痛」（いたい） ！真係凍到痛吧！
04│雪兜係雪地的BB車
唔好以為剩係喺滑雪場或者雪祭先會出現呢個畫面，冬天的時候隨時都見到！你試過喺雪地拖喼未？試過就知點解唔會用BB車！
05│冬天比夏天食更多雪糕！
因為戶外的氣溫夠凍，點食雪糕都唔怕溶！但入到室內，因為開咗暖氣，溫差好大，又會想食啲凍冰冰嘅嘢，例如雪糕（或者啤酒）！
