撰文：Carmen｜圖片來源：《LDK》、相關機構
測試方法
雜誌首先將產品分為「吊帶款」、「蕾絲款」、「背心款」3種類，然後邀請內衣業專家實際試穿、觸碰，仔細檢驗穿著感同設計。功能性方面則交由專門機關進行精密驗證，由形狀＆功能性2個主要觀點為21款產品評分。
計分表（總分為100分）
形狀：
胸墊設計：杯墊形狀的貼合感、胸形線條是否優美、下梱是否能承托胸部等細節檢驗。（30分）
衣料材質：從素材、縫製、設計檢驗是否穿著舒適同外觀有幾似內衣。帶蕾絲設計嘅款式會檢驗埋蕾絲嘅質地。（30分）
功能性：
蒸發性：喺各款產品倒上同樣分量嘅水，放置一段時間後，測試各款產品嘅水分蒸發率。蒸發率數值較高嘅，就更有強效速乾性。（20分）
透氣性：喺產品嘅一定範圍中，計測有幾多空氣含有量。數值愈高，表示透氣性更強，通風良好。（20分）
測試結果
1｜吊帶款
47分：Peach John Work Bra Camisole
售價：3,002円｜Sizes：S～MG｜顏色：5色
胸墊設計：16分｜衣料材質：15分｜蒸發性：12分｜透氣性：4分
係唯一一款有鐵線嘅產品。極厚嘅胸墊雖然係好有承托效果，但下梱太緊，勒到背形唔好睇。衣料材質硬實唔透氣。
49分：無印良品 女裝有機棉混絲吊帶背心連胸墊
售價：1,990円｜Sizes：XS~XL｜顏色：8色
胸墊設計：16分｜衣料材質：17分｜蒸發性：12分｜透氣性：4分
非固定嘅胸墊會喺衫內移動，無法貼合肌膚，下梱好鬆，無法有效承托胸部。而且唔透氣，感覺冇著用嘅價值需要。
60分：BELLE MAISON Bra Camisole
售價：1,080円｜Sizes：M、L、LL｜顏色：3色
胸墊設計：25分｜衣料材質：19分｜蒸發性：8分｜透氣性：8分
杯墊同下梱都貼合肌膚，有優秀安定感，衣料配有尼龍質地，觸感柔順舒服。但外觀感覺太似底衫，評價一般。
63分：NISSEN 吸汗速乾under free Bra Top 吊帶衫
售價：1,296円｜Sizes：S~6L｜顏色：8色
胸墊設計：19分｜衣料材質：16分｜蒸發性：16分｜透氣性：12分
以有彈性嘅衣料材質取代下梱橡筋，穿著感更舒適輕鬆有解放感！杯墊較厚，想有豐滿感嘅推薦使用。但衣料質地略嫌似泳衣。
67分：GUNZE Bra Camisole
售價：1,728円｜Sizes：M、L、LL｜顏色：3色
胸墊設計：26分｜衣料材質：25分｜蒸發性：12分｜透氣性：4分
同NISSEN嘅唔同，呢款只在杯墊下使用有伸縮性嘅衣料，更加唔使怕背部線條被勒緊！杯墊承托力高，但領口開得較深。
70分：しまむら(SHIMAMURA) Ladies Inner Bra Camisole
售價：1,500円｜Sizes：M、L、LL｜顏色：4色
胸墊設計：17分｜衣料材質：13分｜蒸發性：20分｜透氣性：20分
衣料材質輕薄，功能性滿分！但因為太薄，杯墊會透出，設計性一般。若果當做功能性內衣嚟著嘅推薦使用！
72分：GU Bra Feel Camisole B
售價：1,069円｜Sizes：XS~XXL｜顏色：6色
胸墊設計：21分｜衣料材質：19分｜蒸發性：20分｜透氣性：12分
Bra top嘅側比部分較闊，可以有效包起腋下副乳！喺速乾性強嘅衣料中加入棉嘅成分，令觸感更柔軟。胸前開口設計亦追平潮流，設計性都獲得高評價。
83分：UNIQLO Airism Bra Camisole
售價：2,149円｜Sizes：XS~3XL｜顏色：2色
胸墊設計：25分｜衣料材質：22分｜蒸發性：20分｜透氣性：16分
杯墊厚度適中，而且可以著出胸形圓潤嘅美麗線條，杯墊同肩帶都有足夠力量承托胸部！速乾力驚人，即使出汗都唔怕！
2｜蕾絲款
54分：TOPVALU Organic Cotton Bra Camisole with Lace
售價：1,194円｜Sizes：M、L、LL｜顏色：4色
胸墊設計：19分｜衣料材質：15分｜蒸發性：8分｜透氣性：12分
肩帶位置唔夠貼緊，會令人在意領口嘅打開程度，而且杯墊貼得唔緊，無法安心著用。可惜在領口嘅蕾絲設計。
59分：Peach John 蕾絲Bra Top
售價：2,376円｜Sizes：S、M、L｜顏色：3色
胸墊設計：2分｜衣料材質：25分｜蒸發性：12分｜透氣性：20分
蒸發性、透氣性均獲得高分評價，功能性滿滿！但意外地下梱較鬆，杯墊亦較細，承托力較低，不建議單穿。
61分：GU Bra Feel Back Lace Camisole
售價：1,069円｜Sizes：XS~XXL｜顏色：4色
胸墊設計：22分｜衣料材質：19分｜蒸發性：12分｜透氣性：8分
肩帶有足夠力量承托胸部。正面設計樸素，背面加上蕾絲嘅小機心設計非常可愛，但近望就會發現蕾絲嘅縫製粗糙，同售價成正比。
64分：NISSEN 背後蕾絲設計Bra Top背心
售價：961円｜Sizes：S～10L｜顏色：5色
胸墊設計：20分｜衣料材質：20分｜蒸發性：12分｜透氣性：12分
下梱橡筋位感覺適中，零壓迫感！背後嘅蕾絲亦縫製得好仔細，但因為冇伸縮性，脫衣時會較困難，比較可惜。
65分：UNIQLO Women Ribbed Lace Bra Sleeveless Top
售價：1,393円｜Sizes：XS~3XL｜顏色：9色
胸墊設計：25分｜衣料材質：28分｜蒸發性：8分｜透氣性：4分
杯墊果然係UNIQLO出品！衣料亦同樣有高評價。衣料質地有伸縮性，蕾絲設計低調，而且能夠貼合肌膚。
3｜背心款
46分：しまむら(SHIMAMURA) Tank Top
售價：1,200円｜Sizes：M~4L｜顏色：3色
胸墊設計：21分｜衣料材質：17分｜蒸發性：4分｜透氣性：4分
由於冇用橡筋，所以下梱位置唔會被拉緊！但衣料壓迫感強，杯墊亦太過緊貼肌膚，有快被壓垮胸口嘅感覺！胸形亦可惜地無法塑造出美感。
46分：Cecile Tank Top with Bra
售價：2,149円｜Sizes：M~3L｜顏色：3色
胸墊設計：19分｜衣料材質：19分｜蒸發性：4分｜透氣性：4分
雖然冇用橡筋，感覺係較輕鬆嘅，但杯墊下面部分奇怪地厚，貼合感不合格。而且功能性低，難得使用上嘅吸汗杯墊都冇發揮機會。
53分：TOPVALU Organic Cotton Bra Tank Top
售價：1,194円｜Sizes：M、L、LL｜顏色：3色
胸墊設計：18分｜衣料材質：15分｜蒸發性：12分｜透氣性：8分
近乎要擔心合唔合身，整體都好鬆！下梱位置輕鬆舒服，但杯墊無法貼合肌膚，令人懷疑係咪男士服飾咁嘅不合身剪裁。
54分：無印良品 女裝有機棉混絲背心連胸墊
售價：1,990円｜Sizes：S～XL｜顏色：3色
胸墊設計：16分｜衣料材質：18分｜蒸發性：4分｜透氣性：16分
杯墊形狀不自然，而且過大，下梱位置鬆動，完全無法貼合，令胸形變得好唔自然。肩帶袖口亦不舒服，蒸發性亦都唔合格。
62分：GU Bra Feel Tank Top A
售價：1,069円｜Sizes：XS～XXL｜顏色：7色
胸墊設計：22分｜衣料材質：20分｜蒸發性：12分｜透氣性：8分
肩帶較粗且實淨，有足夠力量承托胸部。杯墊貼合感良好之餘，設計性高。但明明係一件單穿都可以嘅款式，腋下會聚來細紋，令人非常在意。
63分：UNIQLO Airism Bra Tank Top
售價：2,149円｜Sizes：XS～3XL｜顏色：3色
胸墊設計：25分｜衣料材質：18分｜蒸發性：16分｜透氣性：4分
連呢個款式都發揮咗UNIQLO充滿安定感嘅杯墊設計。雖然速乾性、伸縮性都非常好，但背部嘅Y字設計穿著有違和感。如果要著足一日，可能會有不適感。
66分：Wacoal 可單穿外出Bra Top 冇袖款
售價：3,283円｜Sizes：M、L、LL｜顏色：4色
胸墊設計：24分｜衣料材質：22分｜蒸發性：12分｜透氣性：8分
衣料質地柔軟，而且杯墊衣料有2重設計，杯墊不會直接碰觸件top，肌膚觸感更舒適。下梱只設計喺杯墊下面，而且同樣係內藏形，冇壓迫感！
73分：BELLE MAISON 清涼感連胸墊Tank Top
售價：2,160円｜Sizes：M、L、LL｜顏色：4色
胸墊設計：23分｜衣料材質：18分｜蒸發性：12分｜透氣性：20分
透氣性no.1，速乾性亦非常優秀，穿著感清涼舒服，呢個夏天定能派上用場！而且下梱同杯墊設計都非常貼合肌膚，能夠有效承托胸部，舒適感一流！
