撰文：Carmen｜圖片來源：teamLab Borderless
teamLab美術館將於6月開業
「MORI Building DIGITAL ART MUSEUM：EPSON teamLab Borderless」美術館將於2018年6月21日，喺東京台場開幕！
美術館約有10,000㎡大小，分有5個空間，備有520部電腦及470部投影機，讓你置身喺一個純數位世界當中，與50多款唔同嘅展示場面互動。作品以「自然」同「communication/interaction」2個主題，進行強烈影像投射。如有可以從中間穿過嘅，有麥穗嘅稻田、與季節變化一同轉變嘅景色、一碰就散落嘅花瓣等等，各種各樣嘅投射展品。
美術館主旨為，將藝術同觀賞者合而為一，如teamLab所講「視點不止一個。你會成為中心，藝術作品會跟隨你產生變化」。所有作品將以觀賞者嘅視點為中心，周圍環境隨之轉變。
空間1：Borderless World
人能夠自由地郁動身體，與他人持有關係性，透過身體認識世界。然後身體隨之擁有時間，在腦內思考時，會與腦內其他考量間的境界變得模糊，有時不止受到影響，還會互相滲透。
藝術如是，從房間走出來自行郁動，與人群持有關係性，擁有與身體同樣的流逝時光。然後，作品同作品互相溝通、影響、混合。「teamLab Borderless」就係由呢一系列，無境界嘅作品所構成嘅1個世界。
主要作品：「Untitled」
空間2：teamLab Athletic 運動之森
以「用身體捉緊世界，將世界想像為立體」為概念，令腦內嘅海馬體得以成長，成為能夠鍛鍊空間認知能力嘅「創造型運動空間」。
「光之立體Bouldering」、「跳高下沉的空間」、「空中搖晃吊棒走渡」、「反重力動作，被發光立體物淹沒的空間」、「地球彷彿逆轉了般的世界」，還有「用帶有高低差的斜面所創造的立體空間」等等，喺複雜嘅立體空間中，整個身體將淹沒入互動式數位藝術空間，體驗具有創造性嘅藝術品。
主要作品：「Three-dimensional Light Bouldering」
「Boing Boing Universe」
空間3：Forest of Resonating Lamps
觀賞者靠近燈泡，停下駐足一會後，最近距離嘅燈泡就會發出聲響並發亮。然後燈光會傳播到距離最近嘅2盞燈，如此類推咁傳播開去。
傳開嘅燈光，必定會令所有燈強烈地發亮一次，又必定會回到最初嗰盞燈。亦即係話，與人呼應嘅燈光分為2種，再分別令所有燈發光一次，形成一串光線，最後會同作為起點嘅燈重遇。
「Forest of Resonating Lamps – One Stroke」
空間4：EN Tea House
於盛有喺肥前製成嘅新茶「EN Tea」嘅茶碗中，會生出花，再觀賞其綻放過程嘅作品體驗空間。來場者能作為一種新體驗去品嘗抹茶。
主要作品：「Flowers Bloom in an Infinite Universe inside a Teacup」
空間5：學習！未來的遊樂園
呢個空間嘅目的係關於「共同創造性」嘅教育project及實驗場地。
teamLab嘅藝術以「讓人同人之間嘅關係產生變化，令他人嘅存在成為正面嘅存在」呢種可能性作為焦點，思考著將一直以來非常個人化嘅創造活動，轉化為同他人一齊，彼此都自由自在嘅「共創」活動。
現時好多事務都以機械取代，今後嘅社會，只有人類先能做到，即共同嘅創造性相信會成為重要課題。
但係，現時嘅教育及日常生活中，莫講話提高創造性，不如話正壓制緊呢樣嘢。而且，現代社會大多數人都醉心手機，身體徹底變成非常個人嘅存在，孕育共同性嘅機會少之又少。
然而人類係，透過同他人喺一齊嘅創造性活動，從而創造出呢個世界。teamLab希望藉由共創體驗，令共同創造性更受關注。
主要作品：「Sketch Aquarium」
「Sliding through the Fruit Field」
詳細資料：
MORI Building DIGITAL ART MUSEUM：EPSON teamLab Borderless【6月21日開幕】
地址：〒135-0064 東京都江東區青海１丁目３−８
營業時間：11:00am-7:00pm（六・日・假期 10:00am開始營業／五・六・假期前夕 9:00pm閉館）
※最後入場時間為閉館1小時前
入場費：成人、高中及大學生3,200円／4歲～中學生1,000円／3歲以下小童免費入場（價格已包稅）【票務詳情將於5月下旬公布】
官方網頁：https://borderless.teamlab.art/jp