Aurangabad位於印度西部，孟買隔離個城市，由孟買坐內陸機大概一個至兩個小時，今次無揀坐火車，係因為無時間虛耗(要知道我地印度火車經驗，可以留意下次Agra篇)，去孟買旅遊，好多遊客都會配搭Aurangabad，雖然它可能不是印度最有名又為人知的景點，但可以第一篇印度就寫呢個地方，可想而知我同大少係幾咁欣賞呢個小小嘅城市。
Aurangabad有兩個最重要嘅地標，一個係Ellora 石窟同Ajanta 石窟，大致上兩個地方都係依山而建，係岩壁上開鑿大大小小不同的洞穴造成廟宇，印度佛教之鼎盛，係呢D偉大建築可以幻想到一二，兩個地方都已經係世界文化遺產，已經有千幾年歷史，所以印度可以去嘅文化遺產多不勝數。



先輕輕講吓去印度的感受，每次遇到的經驗都不同，但又一次慶幸，我同大少係樂天一族，又有少少膽識，萬事小心定能吉星高照，小意外，小事遇到不少，但回來都無穿無爛，有D經歷係印度先有，所以至今都係大少其中一個喜愛的國家之一，詳盡感受可能係寫新德里或者孟買先講，因為Aurangabad比較細，遇到人和事的感受都不及兩個大城市深。
Ellora cave－ 距離Aurangabad一個鐘頭車程，中央巴士站有多班班次往來，記住你一定要夠恨先可以坐巴士，否則貴D坐的士啦！一開車門，唔好買飛都衝上車，錢佢之後點都會收你，等得買飛，你無可能上到同一班車，但唔使怕，印度人都係咁，你要融人當地文化嘛！上車後，佢地好友善咁提醒你幾時落車，點行，玩得開心D，如果想來一次同印度人親密接觸，記得坐巴士呀！感覺很不一樣。


濕婆神

Ellora caves一共有34座的石窟，佛教石窟共12座，印度教石窟有17座，耆那教石窟有5座，全長约2公里，當中以濕婆神廟係最宏偉，最令人目瞪口呆，呢座神廟係由項端開始鑿，由一座山鑿到變一座廟，廟身有不同動物裝飾，加上除主柱以外的大象等等，千幾年前，單靠幻想就建造得出來，整個建築時間花了二百年，只有用誇張來形容，雖然受風化影響，好多裝飾有點模糊，但都見到充滿印度色彩的雕刻。


可以見到整座廟係由一座石山鑿出來，你試想想若果鑿錯了一個位，可能整間廟也會倒下，不能重建

每一個石像在鑿的過程不能出錯

一路行入去參觀不同宗教特色的石窟，驚嘆印度皇朝當年是何等風光，能夠耗資完成多個偉大建築，而且對宗教的包容比現在某些國家還好，雖然其他石窟規模不及吉羅婆神廟，但都值得逐一看看，今次是一月到印度的，天氣雖然熱但還可以接受，其實某些石窟內是很清涼的，所以慢慢走，慢慢看都不會太攰，至少預一整天遊覽Ellora caves。

親眼見到除了驚嘆，再也不能說其他的

連僧侶也感到驚嘆

回程時，大門外有人喊Aurangabad～Aurangabad～，不是巴士，是小型貨車做的”泥猛的”，我地膽粗粗，貪方便就梗係上車啦！初時上車未客滿，我地兩個人坐第二排，之後開始了兜客的旅程，到了一些不知名的local村莊，司機好貼心，開始客滿時，將我們調到前排，司機旁邊，因為我地係外地人，怕我地太迫，後兩排位置真的是擠滿人，有客甚至買左木門放係車頂，司機又唔知邊度搵繩幫佢將門縛好，各人最終安全到達Aurangabad，時間跟坐巴士差不多，但看到的就不一樣。