【高雄 6 吋朱古力波】食完包你笑吟吟

不論男、女士，聽到「朱古力波」四個字都總會有種莫名的興奮感覺，試想，黑黑實實的外表原來內有乾坤，諗起都過癮！今次在高雄，我就有幸拜會馳名中外的朱古力波，直徑更達6吋長，好驚人！

text：阿妹今晚去旅行| photo：Yee
衰鬼咪心邪，我所指的是人氣餐廳童話花園的王牌甜品「巫婆的糖果罐」（簡稱「朱古力波」）！這款每枱必點的甜品製作相當繁複，店家先將法國60%黑朱古力放入半球體模具造型，球體厚度必須維持在1mm，勁考工夫！冷藏後，店員須迅速放入自家製丹麥麵包、棉花糖、番茄、蘋果、菠蘿等水果餡料，並將朱古力波組裝！

上碟時，店員會一邊講解食材，一邊淋上熱辣辣的朱古力奶昔溶漿，睇住朱古力波慢慢溶化勁治癒！味道方面，原以為沾上朱古力的餡料肯定甜到爆，點知食落又OK，皆因黑朱古力中和了朱古力奶昔的甜度，再配上帶鮮甜的水果(就連番茄都是甜的），味道出奇地夾！