同女朋友去首爾，行街總係男朋友們訓練腳骨力的一大考驗！最慘係女朋友天生購物狂又奄尖，行足幾個鐘都買唔到一件衫，為咗滿足購物慾望，日日都要行街，勁攰！A君今次發現好地方，就係弘大 Chuu 的全新旗艦店，樓高 3 層勁好行，有齊潮服、上班款、泳衣，甚至內衣買，一間舖已經可以買齊所有嘢！所以去首爾掃貨，記得帶女朋友去 Chuu 行一轉，買齊之後，咪唔使日日再行街囉！
01 | 著上身即減 5kg !
Chuu最出名的一定係韓妹個個都有的「-5kg褲」，比起上網訂，旗艦店中的 -5kg 褲有超過 20 款！Model 親證褲款布料軟身舒適，設計真係可以拉長身形，顯瘦效果 100 分，而且每條只係 MK 價 HK$119！同場更有全新推出的「-5kg連身裙」及「-5kg短裙」，著上身唔焗腳又顯瘦，而且黑色鮮色款都有齊！唔買番兩條，係咪好對唔住自己先？
02 | 平掃潮服
Chuu 的服飾出名平、靚、正，平均 ₩25,000/HK$170 已經有交易，而且款式超級多，設計較年輕青春，最緊要是「made in Korea」，質量有保證！但係成間舖至少有成 500+件衫，究竟想潮扮韓妹要買咩好？與其上網做 research，街頭直接訪問韓妹仲實際！不少妹妹都話夏天就要著得夠清爽，必備碎花及可愛圖案款，凸顯少女味道！而牛仔及條紋就繼續大熱，不過記得要揀鮮色款，因為咁先夠搶鏡喎！
03 | 潮著防曬衣
夏天一定要買套戰衣到沙灘 show 身材，喺 Chuu見到韓妹個個都睇泳裝，但竟然冇人睇比堅尼！即刻去問問，原來今期興著防曬衣 Rash Guard，就連韓星少女時代 Yuri、女團 TWICE 都力撐，難怪韓妹都跟風！Model 就話會揀短身款，因為小露蠻腰可以顯瘦又性感，怕曬女生必買！但還是愛穿比堅尼的話，韓妹就話要揀誇張款，color-blocking 或花花款就絕對可以幫你呃到like！
Chuu
地址：서울시 마포구 와우산로29마길 20 （首爾市麻浦區卧牛山路29街 20）
電話：+82-(0)70-4457-2456
營業時間：11:00am-11:00pm
網址：www.chuu.co.kr
交通：乘地鐵2號線弘大入口站 8號出口步行約8分鐘