（Presented by 國泰航空）
關西 5大名山賞楓
想睇紅葉，11月尾並唔遲，官方預計今年楓葉比起往年較遲轉紅，而 關西 一帶嘅楓葉會喺 11 月底至12月頭先全面轉紅，所以依家就係出發嘅最佳時機喇！
1. 比叡山 Hiei-yama
比叡山對日本人來說，有著特殊情感，亦係日本佛教聖山之母。想輕輕鬆鬆遠足的話，京都同滋賀之間兩條入門級登山路線就啱晒！2小時左右嘅單程路線途中，唔單止可以欣賞紅葉，更有世界文化遺產「比叡山延曆寺」同琵琶胡、京都市街等絕景。如果唔想行太多亦得，乘搭叡山電車、叡山纜索鐵路同空中纜車，就可以一口氣到達比叡山頂，從高處俯瞰大自然景色。
當中叡山電車係一條觀光鐵路，沿線大原、鞍馬、貴船等都充滿古都風味，而八瀬一帶滿布紅葉，喺中間穿梭好似去咗漫畫中嘅世界。由八瀬乘搭叡山纜索鐵路，再轉乘空中纜車，就可以登上高840公尺嘅比叡山山頂，感受大地在我腳下嘅滿足。
2. 吉野山 Yoshino-yama
要講 關西 名山，不得不提吉野山。唔單止係奈良三大世界遺產之一，更有「櫻花國」美譽，每年春天就會有3萬棵櫻花樹從山腳慢慢往山上盛開。除咗動人嘅櫻花，其實秋天嘅吉野山亦係賞楓勝地，一到11月左右，整個山都會染成紅色，非常壯觀。除咗大自然景色，整座山都遍布世界遺產建築物，徒步可以經過吉野水分神社、金峰神社、金峰山寺、吉水神社等歷史古蹟。
3. 大和葛城山 Yamato Katsuragi-san
秋天除咗紅葉，芒草一樣謀殺唔少菲林！葛城山山頂附近有寬廣開闊嘅草原，春季嘅杜鵑花、初夏嘅山慈菇、秋天嘅芒草、冬天嘅雪景，有著不一樣嘅田園風光。葛城山年中吸引唔少遊客嚟徒步旅行，「櫛羅瀑布路線」較適合入門者，而「北尾根路線」就啱晒鍾意挑戰自己嘅旅客。從葛城登山口搭乘葛城山纜車，6分鐘就可以到山頂，遠眺大和三山、大阪市區和淡路島等地方。
4. 六甲山 Rokkosan
如果想加一點點藝術氣質，六甲山就可以滿足到你！六甲高山植物園除咗有紅葉，夜間仲會有點燈遊園活動，由日睇到夜都唔會厭。每年的秋季，六甲山仲會舉辦戶外藝術大展，擺放著唔少別出心裁嘅作品。之後仲可以去六甲音樂盒博物館親手組裝一個八音盒做手信，當然唔少得震撼人心嘅大型八音盒演奏啦！
上六甲山一定要搭超過75年歷史嘅索道纜車，沿途穿過樹木繁茂嘅峽谷同溪流，係一個有趣又懷舊嘅體驗。上到六甲花園露台，可以欣賞到東至大阪 關西 國際機場、西至明石海峽大橋等遼闊嘅景色。
5. 竹田城跡 Takeda Castle
最後一個特別嘅賞楓熱點，就係有「日本馬丘比丘」之稱嘅竹田城跡。呢座城堡被列為國家歷史遺跡，每逢9月至11月，清晨4點半開始，經常有雲海出現，係名副其實嘅「天空之城」。當竹田城跡被雲霧同紅葉包圍，就好似飄浮喺空中嘅城堡一樣，壯麗迷人。因為雲海會喺9月至11月出現，而賞楓期係11月中旬到12月上旬，所以要睇晒雲海同 紅葉，最好就係依家出發！
直飛大阪郊遊 $3,363起
睇完咁多大自然靚景心郁郁？心動不如行動！依家國泰航空每日提供5班航班直飛大阪，票價都係$3,363起（已含稅及營運附加費）， 即上國泰官網訂飛吧：http://bit.ly/2J8rTSA
