1) 指定動作著和服：レンタル岡本
相信10個有9個去京都的女性，都會一試和服體驗，著住和服去行京都。離清水寺只有100米的レンタル岡本，是擁有180歷史的和服店，超過1,000款男女裝和服可供選擇。呢間最大嘅優點係近清水寺，大家都知著住對屐有幾難行架啦，所以近景點絕對係好重要嘅因素！而且呢間最低3,000円已經可以租到一套，價格都算親民，不過款式就少啲。
レンタル岡本
地址：京都市東山區五条橋東六丁目546-8
交通：京阪清水五条駅步行約15分鐘/京阪祇園四条駅轉乘207號巴車，於五条坂站下車，步行約5分鐘/JR京都駅轉乘206號巴車，於五条坂站下車，步行約5分鐘
網頁：http://www.okamoto-kimono.com/
2)遊京都指定地：清水寺
要數京都著名景點，清水寺一定榜上有名，秋天的清水寺仲有漫天紅葉包圍，帶多幾張SD Card都唔夠影呀！而清水寺出名嘅除咗舞台，仲有求姻緣好靈嘅地主神社。
清水寺
地址：京都府京都市東山區清水一丁目294
交通：JR京都駅或京阪七条駅站轉乘206號巴士，於五条坂站下車，步行約10分鐘
網頁：http://www.kiyomizudera.or.jp
3) 守護你的戀愛運：京都地主神社
日本神社眾多，供奉著不同的神明，女性最最關心的愛情守護神，就供奉在京都地主神社。善男信女想得到戀愛神明的祝福，最簡單一定是買一個戀愛御守，隨身掛著就可以了，記得信者得救！京都地主神社的御守，其實有結緣的意思，結人緣不但指加強戀愛運，擴闊社交圈子一樣有得益。
呢度有兩舊戀愛石，傳說話如果你可以合埋眼直線咁由一舊石行到另一舊石就會有姻緣，所以現場不時會見到有女仔喺度合眼行，而旁邊就會出現一班朋友指示佢點行，勁好玩！
京都地主神社
地址：京都府京都市東山區清水一丁目317
交通：JR京都駅，近鐵京都駅乘206巴士，五条坂下車，步行約10分鐘
網頁：http://www.jishujinja.or.jp/
4)京式名品料理 ：日月庵
在京都搵食一定要試京都出品的豆腐，今集杜如風到訪的京式懷石料理店日月庵，主打京都食材，包括有京都出品的豆腐，以及京都盛產的蔬菜。懷石料理之中的豆腐料理有齊豆腐火鍋、煮物、壽司、小菜等。雖然是豆腐料理，豆腐的味道香濃幼滑，又有蔬菜，魚肉配搭，食少一餐肉都唔怕啦。
京都豆腐出名又濃又滑，唔使點任何醬料已經好好味，豆腐煲整出嚟嘅腐竹都超好味！
日月庵
地址：京都市東山區坂二丁目232
交通：京阪電車五条駅站步行約20分鐘
網頁：http://www.nichigetsuan.com/
5)小心！噴火拉麵：めん 馬鹿一代拉麵
一碗拉麵可以有咩玩法？在めん 馬鹿一代拉麵店就有創意新招：噴火！師傅把蔥拉麵送上枱時，會淋上超高溫的熱油，即時變成噴火拉麵！噴火拉麵夠搶眼，安全至上一定要靠後避一避！
為免燒親頭髮，所以要求客人一定要紮起啲前面啲蔭！
更多資訊：京都噴火拉麵餐廳幾錢碗？食客「4 個唔准」多規矩！
めん 馬鹿一代拉麵
地址：京都市上京區南伊勢屋町757-2 佐々木ビル
交通：東西線二條城前站，在二條城後方
網頁：www.fireramen.com
6) 定番手信之選：SOU SOU
京都手信之選除了食之外，要認識一下SOU SOU的布織品了！SOU SOU的布織品取材自生活常見的圖案，例如數字、海浪、花朵等，布紋和顏色都是京式風格，非常有代表性。由小物至衣服，家品都可以用到SOU SOU的製品，下次去京都買手信就多一個必買item啦。而今次杜如風就推薦忍者鞋同足袋，舒服同美觀度都爆燈！
忍者鞋可能無乜機會著，室內足袋就實用得多！
SOU SOU
地址：京都市中京區新京極通四条上ル中之町583-3
交通：阪急電車京都線河原町9號出口，走進花遊小路
網頁：http://sousounetshop.jp/