【 FlyJapan 】《關西攻略》杜如風第三集｜橫丁放題食足3小時＋超正吉列和牛！

Q: 最新的日本入境要求詳情？

在入境日本前，建議 先用Visit Japan Web完成一部分檢疫手續 ，便能更快速地入境日本， 即睇使用教學 ，例如註冊步驟及同行家人如何填寫等，以及買定 日本電話卡 。

今集關西攻略杜如風繼續遊大阪，被佢形容為「搞到佢破產」嘅大阪之旅，今次佢會帶大家食日本人氣吉列牛扒，再去到放題橫丁食到盡！除左食盡大阪地道美食，仲化身小粉絲去時裝店大出血。即刻睇下佢有咩好推介！

1) 女性限定古著：Pour Mademoiselle

古著之中有分不同風格，典雅高貴都可以係Vintage。Pour Mademoiselle 主打女人味濃的服飾，有巴黎風的簡潔白裇衫、西裝款式的裙和褲。二手手袋有齊Chanel、Prada、YSL各大名牌。喜歡簡單black & white的打扮，記得去朝聖！

Pour Mademoiselle
地址：大阪府大阪市西区南堀江1-15-11
交通：地下鉄四ツ橋駅
網頁：https://www.facebook.com/pourmademoiselle0718

2) CP 值超高炸牛扒：牛カツ専門店京都勝牛

吉列豬扒吃得多，吉列牛又試過未？京都勝牛是炸牛扒專門店，最人氣的一定是炸沙朗牛扒配飯。與一般的炸豬扒飯一樣，白飯、味噌湯、沙律都是無限添加！
杜如風試咗兩款，一款係黑毛和牛套餐。食吉列牛扒時記得沾一沾生蛋，睇到編輯口水都流埋！
牛カツ専門店京都勝牛
交通：心斎橋駅
地址：大阪府大阪市中央区西心斎橋1-1-13 B1

3) 估下跌咩出嚟先：10円自動販賣機

在大阪中央市場附近有幾部人氣爆登的自動販賣機，10円即港幣一元不到，就可以買到一枝飲品！除左「平」，最吸引的是自動販賣機並無展示飲品樣板，要知道係咩飲品就要等佢跌出嚟先知！除左10円之外亦有50円或以上的自動販賣機，不過大家似乎對10円自動販賣機有興趣啲！雖然係就快過期嘅飲品，但反正之後都唔要得，平啲益街坊都好啊！
10円自動販賣機
地址：大阪府大阪市福島区玉川３丁目１－１５

4) 南船場區專門店：COMME DES GARÇONS

招牌心心口袋COMME DES GARÇONS，大阪分店就在南船場，專門店有成兩層高，款式最多最齊！同一區仲有不少潮鋪，如Onitsuka Tiger、Levis 等，唔驚你冇嘢買，最驚你唔夠彈藥啫！

呢間店最特別係有家庭用品賣，唔係間間有架！

COMME DES GARÇONS
地址：大阪府大阪市中央区南船場3-12-22
網頁：http://www.comme-des-garcons.com/

5) 3 小時 3,500円放題：食べ飲み放題横丁

食べ飲み放題横丁集齊8間不同風格的料理店，包括和食、烤肉、鍋物、西式食物等，畀一個價錢，就可以3個鐘內喺8間餐廳任食！今集杜如風就試了「和食豆一」、「炭火焼肉黒べこ屋」以及「洋風居酒屋Otto」三間店。　和食豆一是京式居酒屋料理，分有獨立餐室，共有150款日式料理，包括炸物、一品鍋、壽司等。「炭火焼肉黒べこ屋」以及「洋風居酒屋Otto」分別是炭火燒烤店以及主打西式食品的居酒屋。