胡杏兒結婚好一段時間，但點解個蜜月之旅去極都未完？原來甜到漏嘅兩公婆，足足花咗兩個幾月，由北海道、Bora Bora 島飛到美國，再橫跨大西洋往倫敦過年，最後歎埋希臘同馬代先捨得返香港，真係令記者好葡萄！以下重溫長達 42,353 公里的蜜月長征，各位矢志環遊世界的港女，快啲 Cap 低畀未來老公參考啦！
【3月6-15日】終點站馬爾代夫 玩足一星期！
杏兒3月6日正式check-in馬代酒店，入住以來幾乎日日都有放閃打卡，全程標明入住酒店，略有hard-sell之嫌…… 二人玩足一星期，入住的 PER AQUUM Niyama Resort 位處 Dhaalu 環醮，島上樹林環繞，加上遠離首府，水質清徹，房內有爆谷機、iPad、咖啡機等貼心設備，最正當然係一望無際的私家泳池：
【2 月23-29日】希臘浪漫放閃
二人先登上三面環山 Santorini 島，適逢當晚有阿仙奴對巴塞賽事，兩口子齊齊穿上球衣賽前打氣兼打卡，呷住美酒賞夕陽，愛琴海一片波光粼粼，曬到佢地都要戴副墨鏡！之後轉去雅典，繼續浪漫到暈……
下一頁：你恨唔到嘅行程，仲有英國、日本、新西蘭、浪漫太平洋⋯⋯
【2 月8-22日】北愛爾蘭重返母校
農曆新年至情人節期間，二人在主要在英國度過，男女方的家長都有在倫敦會合派利是；至2月尾，杏兒帶老公&老爸上去中學時期留學的北愛爾蘭，探望位於貝爾法斯特Methodist College的老師和舊友：
【1 月21-24日】新西蘭釣大魚
杏兒停留新西蘭嘅時間較短，其中一日在Lake Tarawera出海釣魚，兩人雖各自成功有收穫，但眼見杏兒嗰條份量足秤稍勝，李生即時賣萌扁嘴，後來即場用釣得的虹鱒製作刺身，望落新鮮肥美！
【1 月12-19日】大溪地超豪Resort@Bora Bora
Bora Bora 呢個地方有少少偏，實際是大溪地群島之一，湛藍碧綠海水真係超純淨，能見度達 20 米，低頭肉眼已經望到魔鬼魚，浮潛都唔使！
相關閱讀：兩大奢華級人間天堂大比拚 ♥ 馬爾代夫 vs Bora Bora
【1 月3-12日】回到蜜月首站－－二世古滑雪
今年好多明星先後飛去二世古滑雪，梁朝偉劉嘉玲陳奕迅和森美都榜上有名，杏兒更透露獻出咗第一次滑雪，不過睇片已經學到有板有眼，難怪得粉絲力讚聰穎！
