邊搵錢邊走

大家都希望可以一邊去旅行一邊搵錢，現實中又有幾多人係I.T.人，帶著部電腦去旅行都可以搵到食呢？與其迫自己成為電腦才子，不如發掘一下自己的才能更好啦！正所謂天生我才必有用。而我就不斷嘗試不同的方法在旅途中養活自己，除了能夠邊走邊旅行外，還能訓練自己的腦轉彎。

在這裡，我特別提一下，千萬不要打黑工，以合法嘅方法去旅遊。因為我能告訴你被抓很恐怖，而且很難再入境。

賣手藝

如果你身邊有多餘嘅物資，記得要好好善用。當日，我就在市集見到畫上面放盆栽，家附近有很多花草，於是把花草拾起，加上顏色，變成了DIY 相架。 顏色是在小朋友家拿，材料都是天然的，所以零成本，無本生利。

賣貨

如果你有甚麼特別技能，當然要好好利用啦！可惜我本身沒有太多技能，不過剛出發嘅時候就帶咗批首飾，喺我無聊嘅時候就攞出去賣。
剛抵巴黎，以為大城市，應該會好有市場，點知大錯特錯，當日只有人睇冇人賣，最後零收入，失意而回。 （多謝好友Peggy 一直在旁支持。）
點知呢批首飾又喺我唔見咗銀包嘅時候救我一命，當時我在法國一間馬場換宿，他們主要的客人是瑞士人，結果係好好賣。 足夠我買咗一張內陸機票同住咗幾晚Airbnb單人房。

賣美食

我自問不是一級廚師，但閒時會製作小點送給朋友。 剛巧遇中餐廳老闆肯畀我嘅小點寄賣。 半賣半送， 以自由捐款嘅形式送出。

賣字／賣畫

雖然我們都不是作家，但我們懂寫字呀！ 西方國家都喜歡看中文字，我把他們的中文名字譯成中文再寫給他們，同時間可以畀佢哋試下用毛筆寫字。 切記這些東西不要收太多錢，五毛或一塊會較吸引，以量賺錢。 成本極低，毛筆同墨盒，又極易攜帶。

除咗字，我主要係賣國畫，我不是專家，我是從網絡上的畫模仿出來的。 熊貓比較有代表性，而且可愛得來又有中國色彩。

湊仔

如果唔想賣嘢，可以點？ 考慮下小朋友，湊小朋友嘅工，基本上係大部分地方都有， 即係Aupair. 包住宿、零用錢，又有大量空餘時間，係長途旅者的小休站。
當日我照顧了兩位怪獸朋友仔。

賣藝

我自己冇咩特別音樂技能，所以沒有試過，但都見過不少，這兩位是我從香港人遇到的，我碰到她們時，她們只是站著，身邊有個鼓，面對一塊牌，而且偷看到她們「收入」挺可觀。

清潔工

家庭的清潔工不一定時常有，但總可能會有。當我換宿的時候，一般我都會說想賺點旅費，有時候他們有些朋友家裡可能需要清潔工作、照顧小朋友等工作，收入並不穩定和可觀，算是零用錢吧！

二手市場

這個我個人認為不是好方法，但可以考慮。 從回收箱中找些東西，在二手市場賣。 雖然不是偷東西，但感覺好像拿了別人的東西賣。 這個方法卻是各種方法最賺錢的一種，因為零成本，所賣得到的錢就是自己的工資。

以上種種是我暫時經歷過的，希望分享給大家，回應番旅行不一定是有錢，也不一定要節省太緊，令自己沒趣。 適當時候便做適當事，「 work hard， play hard 」。
如果大家有任何想法，也可以share 下畀我，讓我在日後試試！