見到幅相第一反應，嘩…洗唔洗咁靚呀！係呀, 悉尼「Vivid Sydney 繽紛悉尼燈光音樂節」仲有邊個唔知呀?! Vivid Sydney 喺2009年開始舉辦時，原本只係為咗宣傳一下悉尼市中心的冬季生意。呢個活動後來大受歡迎，每年吸引成150萬人參加！
Vivid Sydney 2015 回顧
於冬天舉辦嘅悉尼燈光音樂節有三大元素：燈光、音樂、創意。國際藝術家齊集悉尼，為呢個國際大都會改頭換面，添上不一樣的色彩!
Vivid Sydney 2015 回顧
你可以欣賞不一樣悉尼歌劇院和海港大橋、去市中心尋訪光雕，又可以聽音樂同講座，絕對係小編呢個文青之選啊~ （不要問只要信我是真。文青XD）
燈光：五光十色的光影藝術
睇完上年回顧，小編再介紹一下今年繽紛悉尼燈光音樂節中最最最最正嘅打卡呃Like點比大家！繽紛悉尼燈光音樂節中有關燈光嘅活動和展覽總共有63項，包括大樓光影、街角光飾和特約企劃三大種類。有睇嘅，都有互動嘅，你玩完過完癮，又可以坐低吹吹海風，睇睇燈光展覽，好過望住個MON啦！
活動好多都係免費參加，就好似啲街頭Booth咁，願者上釣。真係好適合小編呢啲精明窮旅人呀！XD
我bookmark左幾個得得意意嘅免費活動，其中呢個澳洲本土藝術家設計，叫「IMPOSSIBLE Voyage」嘅互動遊戲。參加者入到間木屋改裝而成嘅遊戲屋度，就係參加緊一段光影奇幻旅程。你可以自由互動，包保每個人段Journey都唔一樣！
講左咁耐，幾時係繽紛悉尼燈光音樂節先？
今年繽紛悉尼燈光音樂節時間由 5月27日 到 6月18日。為期 23日時間入面，有300幾個Event等住遊客去參加！朝早食個靚早餐行下景點，下午開始就可以去聽音樂上Workshop喇~ Hea到夜晚又有各種Lightshow睇，係咪好充實呢！
咪住—— 而家買機票飛過去咪好貴 :O ？ 傻豬嚟嘅~ 買套票抵啲喇梗係！因為包埋悉尼黃昏遊連晚餐; 再唔係去中原電器買野，買滿$500參加口號設計比賽，咁就有機會嬴取悉尼4日3夜套票喇，詳情參閱：http://www.sydneyforfun.com/vivid/
