早前「星星」熱，大家都會好想飛去韓國去「星星」拍攝過嘅場地感受一下男女主角嘅浪漫情節。
哈! 今次我倒番轉，去完一個地方，先發現原來呢個去過嘅地方係一部英國浪漫喜劇電影嘅重要拍攝地，呢個地方叫Notting Hill，而呢部戲亦都係叫Notting Hill ，於是就重溫左呢一部1999年上映，係英國電影史上最賣座既影片。
呢個係戲中cap 嘅相片
女主角係荷里活巨星，而男主角係書店嘅店主，佢地就係呢間travel book shop相遇了……
去完一個地方再睇番相關地嘅情節，諗嘅係遇過的同錯過的。
遇過的Portobello路，當中藍色嘅係咪同戲中嘅書店都有幾分相似呢!
旅行就係純粹將走過嘅地方拍下來，因為靚，所以有印象XD
呢個地方就係男主角後悔拒絕女主角後，追上去時，車停下來嘅地方，電影中雖然只有1秒，但好表達到女主角嘅身份地位。
錯過了男女主角偷偷走進嘅花園，當中有一大片草地，然後有張長椅，刻上其他戀人嘅名字，女主角有感而發: 「Some people spend a whole life together…」 哈! 不過唔知係邊呢!
而呢個係High Street嘅 Kensington Palace，都有d 戲中花園嘅感覺架。
還錯過了戲中提及嘅大型市集, 流行紋身, 奇怪裝扮嘅女人……
哈! 始終係15年前嘅戲，現實都應該改變了吧!
現在遇到嘅係有特色嘅賣舊物商店……
仲有賣潮物商店!
呢d 係咪同香港d 街道名手信好似呢XD
有時候，錯過了然後又會相遇……
1999年我錯過了呢部電影，2014年走過Notting Hill，於是同呢部電影相遇了。
導演揀Notting Hill做拍攝地點係因為佢曾經住過，亦都好了解呢個地方。
唔同地方背後有唔同嘅故事，總有唔同嘅情意結，唔知我地又會留下點樣嘅故事呢?
