有名畀大家叫做Travel佳，就知我對旅行嘅要求係好高！一個冇周詳安排嘅旅行，實在太危險，我啲假期唔係咁浪費！香港人日忙夜忙，邊有咁多時間走去搜集資料、精挑細選行程，仲有執喼呢？平時工作出trip同family trip都會撞到嘭嘭聲，呢日返香港，聽日又要飛，真係冇咩時間，甩漏時有發生。但正正係咁，終於被我摸索到一套 旅遊攻略 哲學，快閃冇難度！
習慣1 特惠機票網 See First
嗱……特價機票網就唔係一件新鮮事，但當你正準備去嘅時候先留意，往往都已經係太遲，好多時仲會因為平而推遲自己行程，打亂原本planning！所以所有特惠機票平台嘅facebook page，我都整咗See First，有咩優惠都係「佢嚟搵我，唔係我去求佢」！咁樣就可以有時間準備「快閃」更重要部分～
習慣2 彈性處理1個遊記
遊記可以話係人類最無私嘅分享，無論係文字版定睇片video，一上網都真係多到恆河沙數，好多人都想集百家之大成，務求度到最完美嘅行程……如果你有時間～但如果冇，最符合成本效益係揀定1個遊記，慢慢再去加加減減！做人唔可以太貪心，即使最後冇時間都有個基本行程，而唔係一堆堆鬆散旅遊景點！
習慣3 執喼checklist逐樣剔
其實每次去旅行又要再諗攞咩，真係一個記憶大考驗，最麻煩係你有機會每一次都諗漏咗……所以一張清單mark好晒，跟住嚟對放入喼，就最萬無一失！憑空核對係唔work㗎！你一定係會執少咗，到達目的地時，又要使無謂錢買過，真係慘慘豬呀～
習慣4 一張SIM卡旅遊無憂
今次我要介紹好嘢！佢就係自由鳥遨遊SIM～同一張SIM卡，可以去到超過50個國家，包括亞洲、歐洲、中東同美加澳紐，真係差不多全世界通用！收費模式非常簡單，只需透過「Birdie Travel」應用程式加購日費就代表你嗰邊網絡已經ready，去到換SIM卡就可以喇～以日費方式，係令行程安排更加彈性，唔會出現收多錢情況～
我介紹得就梗係經我試用過啦，不用擔心！經過我上個星期連飛日本、台灣，佢嘅網速不論係上、下載都非常穩定同平均，冇遇到大問題！呢一張卡直頭係解決晒以後去申請旅遊數據嘅時間，名副其實，快閃旅遊零難度！
