資料來源：W創作社 | 編導：黃智龍 | 演出：鄧世昌、 湯駿業、 陳淑儀
第 1 部 | 低層卸膊操－我真係唔覺得我錯囉！
當你老闆話你做錯嘢嘅時候，你就要講：
我都係照你意思去做。
我都係照你意思去做。
我都係照你意思去做。
但係你老闆又會堅持你做錯嘢，咁你就要咁講：
上一手同事都係咁講。
上一手同事都係咁講。
上一手同事都係咁講。
為求自保，你仲要眼濕濕咁講：
我真係唔覺得我錯囉！
我真係唔覺得我錯囉！
我真係唔覺得我錯囉！
追加提示：非必要唔好立亂爆喊，重點係回應時要眼泛淚光咁，喺眼眶「浪下浪下」就最「perfect池」！
第 2 部 | 中層卸膊操－－呢單嘢唔係我跟開
漫畫家Cuson筆下 689 vs 財爺的交叉卸膊（round 1）。
低層卸膊so easy？係時候學一啲難度高少少的「中層卸膊操」，做中層最好嘅地方，就係可以將啲嘢「卸」畀其他department做，必學金句，就係：
呢單嘢唔係我跟開！
呢單嘢唔係我跟開！
呢單嘢唔係我跟開！
但如果對方夾硬非要你做不可嘅話，你要點同佢講呢？你應該話：
你咁樣我好難做㗎喎！
你咁樣我好難做㗎喎！
你咁樣我好難做㗎喎！
到最後為咗速戰速決，咁你就要學識講：
我唔想被人話我越權囉！
我唔想被人話我越權囉！
我唔想被人話我越權囉！
個表情可以委屈少少？
第 3 部 | 高層卸膊操－－我冇印象我咁樣講過
如果你嘅下屬做錯事，作為高層嘅你要即刻同佢劃清界線、割席、撇清關係最重要！呢個時候你就要講：
今次我真係愛莫能助！
今次我真係愛莫能助！
今次我真係愛莫能助！
如果作為下屬，要反駁個上司的話，通常就會據理力爭咁講：
喂你真係有咁樣講過喎！
呢個時候個上司就要使出「絕招」（呢方面香港特首689係最佳示範）：
我冇印象我有咁講過！
我冇印象我有咁講過！
我冇印象我有咁講過！
但係如果個下屬依然堅持話老細你真係有講過，呢個時候個老細就要用另一種語調嚟處理呢件事喇：
你諗下你適唔適合呢份工？
你諗下你適唔適合呢份工？
你諗下你適唔適合呢份工？
去到呢個時候，雙方關係應該都已經好僵持－－大家各不相讓吖嘛！此時此刻，雙方都有機會同對方送上以下呢句：
你今次食自己啦！
你今次食自己啦！
你老味食自己啦！
去片！重溫！
來源：「W創作社」舞台劇《小人國4》（2013年6月）
