同BB豬甜密過聖誕 日韓台泰7大 酒店 推介

「又到聖誕，又到聖誕⋯⋯」雖然有耐都未到聖誕，但機會總係留畀有準備嘅人！我老友阿昌好有誠意，為咗隆重慶祝同女友過第一個聖誕，一早就問我阿佳去邊度過同訂邊間 酒店 ？佢話間 酒店 要價錢抵、交通方便、房間夠乾淨，總之就係CP值高得嚟又帶點浪漫，等佢同女友可以盡情sweet sweet。見阿昌忽然轉死性做廿四孝男友，我就為人為到底，推介返7間CP值高嘅 酒店 畀佢，地點包括台北、東京、大阪、首爾、曼谷，而第7間我相信最啱阿昌個衰仔⋯⋯

01 ｜ 夠新！西門文青設計風＠台北

德立莊酒店
評分：★★★★★
賣點：地理位置超好，喺正西門町中心地帶，一出酒店已經係捷運西門站4號出口。不論喺西門町行街定再坐捷運周運去都超便利！最正係呢間全新嘅酒店只有2年歷史，設計走極簡風格，房間寬敞舒適，文青一定鐘意！

主要客人：家庭旅客
訂房：https://goo.gl/UFdC8C

02 ｜新宿罕見靜中帶旺＠東京

E Hotel Higashi Shinjuku
評分： ★★★★☆
賣點：鐘意住新宿貪佢夠方便，但又怕太旺太嘈？呢間酒店位於東京地鐵副都心線與都營大江戶線交叉嘅東新宿車站旁，20分鐘到行到去新宿車站，靜中帶旺，正！住過嘅朋友都對大讚酒店夠乾淨、舒服，可以住多幾次！
主要客人：夫婦/情侶
訂房：https://goo.gl/xLu5gq

03 ｜最強CP值！去新宿識住一定住呢間＠東京

Hotel Wing International Shinjuku
評分：★★★★★
賣點：好多東京精都會住呢間，貪佢夠平、靚、正，3星酒店嚟講，夠晒企理！加上佢喺新宿中心地帶，附近食店、機舖都好夜收；日頭去其他地方玩完，夜晚返休息吓再落街去居酒屋歎吓，夾公仔、扭蛋都無問題。加上鄰近最熱鬧嘅新宿車站，多條電車線，去東京近郊嘅高速巴士總站都係晒附近，去富士山、飛驒高山，去成田機場都好方便！
主要客人：夫婦/情侶
訂房：https://goo.gl/rk9PZg

04  ｜新張重開！好瞓到唔捨得走＠大阪

Hotel MyStays Shinsaibashi East

評分： ★★★☆☆
賣點：2016 年 7 月整修完成重新開幕，房間夠大，兩個篋攤開晒都無問題，啱晒購物狂！住過嘅朋友都話房間好舒服，瞓到唔捨得走。鄰近心齋橋、地鐵站，交通便利。要去大阪城公園亦只需9分鐘車程，掂！
主要客人：家庭旅客
訂房：https://goo.gl/866EUb

05  ｜喺正明洞無得輸＠首爾

Loisir Hotel Seoul Myeongdong
評分：★★★★★
賣點：位處明洞，Shopping區係正酒店樓下，附近仲有好多韓國美食，買到無手拎都可以先返酒店放低唞唞，唞夠再出動。房間乾淨舒適，仲長期排喺港人首選首爾酒店嘅第一位。部分房間可以睇到南山首爾塔嘅美景，如果睇唔到，都可以上酒店天台嘅花園平台睇個夠！

主要客人：家庭旅客
訂房： https://goo.gl/H30O1B

06 ｜女友至愛無敵Infinity pool＠曼谷

Compass Skyview Hotel by Compass Hospitality
評分：★★★★★
賣點：地理位置極佳，鄰近BTS鵬蓬站（Phrom Phong）同The Emporium購物中心，附近係外國人聚居區域，食肆同商店都走中產路線，酒店內部設計都充滿現代感，更有女友至愛嘅Infinity pool，影相打卡一流；每朝游個水再出發去玩就最好不過！
主要客人：夫婦/情侶
訂房： https://goo.gl/d9TUlW

07 ｜留港避靜二人世界＠香港

麗豪酒店 Regal Riverside Hotel
評分： ★★★☆☆

賣點：鄰近城門河，風景好，離沙田港鐵站約15分鐘步程，靜中帶旺。房間夠企理、舒適，附設按摩浴缸、游泳池、蒸氣浴，係聖誕同女友開心吓，但又未儲夠錢去旅行嘅首選！想對女友好啲，仲可以同佢去埋酒店內嘅OM Spa and Fitness Center，歎專屬水療SPA。夫婦想過二人世界？酒店仲提供嬰兒托管服務同兒童俱樂部，夠晒貼心！
主要客人：家庭旅客
訂房：https://goo.gl/PULSO1
睇完7大酒店介紹，諗好聖誕去邊度過後，仲想知道更多訂酒店嘅慳錢方法，可以睇返我阿佳之前嘅訂酒店5大慳錢法則：www.gotrip.hk/?p=240543。

想訂酒店更輕鬆，即下載HotelsCombined手機App
iOS: https://goo.gl/dWX5FY
And: https://goo.gl/uORVUp