Weekend 同 閨密 high tea是常識吧～ Miss Sunny 對飲飲食食係好花心，tea得多悶悶哋，上個weekend 搞搞新意思，同一班好友入沙田 馬場 Hay Market喜馬當先一邊歎住半自助餐，一邊參與精彩賽事，仲有埋遊戲玩，全日咁多嘢玩，真係一次過滿足晒我花心嘅願望！
（Presented by HKJC)
靚景配搭精緻半自助餐
入得馬場食嘢～環境梗係唔同啲！Hay Market位於沙田馬場2座，坐近窗口位，放眼望出去就係綠草如茵嘅馬場靚景。而且Hay Market好有昔日英倫風味，又有舒適梳化區，hea住過weekend fit 晒！
當日舉行名為粉紅盛事嘅活動，我哋都獲贈 GODIVA粉紅特飲1杯，靚馬場景加半自助餐，海鮮、刺身、即製庵列、甜品多款選擇等等，再加上1款自選主菜，之後仲可以出獨立露台觀賞賽事，又有唔同節目俾人參加，玩足1日，爽歪歪！
JW 亮相撐場＋賽馬入門班 「Racing 101」
當日歌手王灝兒 （JW）更一身英倫亮麗造型出席做嘉賓！與一眾現場觀眾分享衣着心得之外，更按喜好親自設計心目中嘅理想綵衣。
JW當日仲擔任「Racing 101」客席嘉賓主持，與racing specialist 教大家賽馬知識，我哋仲可以去馬匹亮相圈，近距離親親馬仔！現場仲會教我哋觀察馬匹、學下睇馬仔心情！又可以睇馬匹衝線嘅一刻，內容刺激又有趣！我哋入得嚟玩馬場，梗係要測試下自己眼光啦～你睇呢隻粉紅馬，就係我嘅戰利品啦～
參與 馬場 粉紅盛事
當日以俏麗粉紅色做 dress code ，個個都悉心打扮出席活動，而最有心思嘅參加者仲會得到 HK$1,000 馬場餐飲禮券，下次我哋一定要打扮得再靚啲先～
Hay Market喜馬當先餐廳
地址：沙田馬場第2座看台2樓
費用：HK$430
訂座電話：1817
