剛才搭緊JR某觀光列車，前面一堆香港人，有個女仔坐我前面勁大聲講電話，大聲到我可以清楚聽到佢講乜，然後我就聽到後面既日本乘客話「佢地係香港人黎㗎」。
屌，嗰下真係好撚想搵窿捐。
唯有拍下佢話佢知講電話要喺車箱出面講，好彩佢都有即刻收線。
老實講，成日喺度屌啲大陸人來香港周圍狗衝打尖大小二便走水貨，其實香港人去到日本或者歐洲咪又係一撚樣。除咗通街大小二便之外，一樣係嘈生晒 / 打尖 / 掃貨走貨樣樣做齊，口裡岐視大陸人，一邊又貪滙率平用銀聯咭，唉屌，仲覺得自己好優越？唔撚係掛。??
返工又係，除咗新加坡同印度人之外，其實最不受空服歡迎嘅就係香港人，個個一上機以為自己坐包機，叫人托行李拎報紙四個枕頭四張被奉旨咁撚樣，無meal choice又或者有咩整到佢就仆街啦，以為投訴就大撚曬。（試過個客自己倒濕水落自己到黎R頭等睡衣，無就R laundry coupon ，R唔到就叫我比自己條spare制服佢換，戇鳩無極限。）
同埋香港客好撚鍾意閪鳩我地面㗎，同佢地笑呀講早晨或者farewell都黑住面直行直過，零eye contact㗎！有時我真係以為自己入撚咗結界，無人見到我:0)
去日本旅行嗰陣成日都好大壓力，因為呢個地方好多潛規則，加上嗰種唔好影響到人嘅文化，所以要好小心唔好搞到人。不過好可惜唔係個個遊客都識咁諗。成日走精面，結果為咗自己嗰少少利益令當地人對「香港人」印象分大減，自私到仆街，唉我等睇陣間拎行李個個香港人隊架trolley貼實條行李帶吧啦?
頭盔：都好多香港乘客好好人㗎，不過只要有一粒老鼠屎都足夠破壞晒其他人嘅好～
